ئەنجومەنی ژنانی هەدەپە ناڕەزایی بەرانبەر دەستگیرکردنی ئەندامانی ئەسەپە و سەکەمە دەربڕی و ڕایگەیاند، دەسەڵاتی ئاکەپە و مەهەپە لەدژی ژنان شەڕی دەکات و داوای کرد، هەمووان پێکەوە تێبکۆشن.
ئەنجومەنی ژنان هەدەپە لەبارەی دەستگیرکردنی هاوسەرۆکی گشتی ئەسەپە و ئەندامی سەکەمە ناڕەزایی پیشاندا.
لە ڕاگەیەنراوەکەدا هاتووە،"ئەوانەی دەستگیرکراون ئەو هەڤاڵانەمانن کە تێکۆشانی ئازادی ژن بەرێوەدەبەن و هەموو کاتێک لە کۆڵانەکانن. ئەو ژنانەی دەنگیان لە کۆڵانەکان بەرز دەبێتەوە دەسەڵات لێیان دەترسێت. ئەو دەسەڵاتەی کە بە دەستگیرکردن دەیەوێت هەموو رۆژێک ژنان بێدەنگ بکات، با باش بزانێت کە سیاسەتی فشار ناتوانێت تێکۆشانی ئەوان لاواز بکات.
'پێکەوە دەنگمان بەرز بکەینەوە'
ئۆپەڕاسیۆن لە ئامەد لەبەرانبەر ئەندامانی کۆمەڵژای ژنانی ڕۆسا، چالاکوانانی تەژەئا، کوشتنی پنار گولتەکین لە لایەن جەمال مەتین ئاڤجی، هێرشی سەر ژنان لە ئیزمیر کە خۆپیشاندانیان کردبوو، گفتوگۆ لەسەر پەیمانی ئەستەنبوڵ بۆ پاراستنی ژنان، ڕێکخستنی یاسای دەستدرێژیکردن بۆ سەر منداڵ، هەمووان نیشانەی ئەوەیە کە دەسەڵات تا چ ڕادەیەک دوژمنی ژنانە. دەسەڵات کە لە سیاسەتی دوژمنایەتی ژندا تەئکید دەکاتەوە، لە دۆخێکدایە کە لەدژی ژن دەستی بە شەڕ کردووە.
هەموو کاتێک پێکەوە لە گۆڕەپانەکان تێکۆشانمان کردووە. هەنگاوێک بەرەو دواوە نانێین.
وەرن پێکەوە لەدژی ئەوانی بڕیار لەسەر ژن و مافەکانیان دەدەن، تێبکۆشین و پێکەوە دەنگمان بەرز بکەینەوە."
ف.ق
