سایتی (فرێش پلازا) ئاماژەی بەوە کرد کە هەناردەکردنی سەوزە و میوەی تورکی بۆ وڵاتانی هاوسنوری خۆی وەک ئێران، عێڕاق و سوریا بە هاوشێوەی وڵاتانی کەنداو کەمی کردوە و لە تورکیای وەرناگرن.

هەروەها ئاماژەی بەوەش کردوە کە عێراق لە ساڵانی ڕابردودا گرینگترین دەوڵەت بوە کە میوە و سەوزەی لە وڵاتی تورکیا هاوردەکردوە، بەڵام لە سەرەتای ساڵی ٢٠٢٠ بە شێوەیەکی بەرچاو کەم بوەتەوە و گەیشتوە بە ١٨ هەزار تون.

وەزارەتی کشتوکاڵی عێڕاق لە ماوەی ڕابردودا ڕایگەیاند کە ٢٣ بەروبومی کوشتوکاڵی بایکۆت کردوە و هاوردەیان ناکات، جگە لە هێلکە و مریشک و ماسی کە بە تەواوی هاوردەکردنی ڕاگرتوە بە هۆی ئەوەی لە ناوخۆدا بەرهەم دەهێنرێت.

ز.ش