پەیامى ئۆجالان: بۆ چارەسەری ئامادەم
نووسینگەى مافەکانی ئەسرین لەبارەى چاوپێکەوتن لەگەڵ عەبدوڵا ئۆجالان رێبەری گەلی کورد راگەیاندراوێکى بڵاوکردەوە.
نووسینگەى مافەکانی ئەسرین لەبارەى چاوپێکەوتن لەگەڵ عەبدوڵا ئۆجالان رێبەری گەلی کورد راگەیاندراوێکى بڵاوکردەوە.
لە راگەیاندراوى نووسینگەی مافەکانى ئەسرین دا پەیامەکەى ئۆجالان بڵاوکراوەتەوە و تیایدا هاتووە "من دەمەوێت شوێن و پێگە بۆ گەلی کورد دروست بکەم، وەرن پێکەوە کێشەی کورد چارەسەر بکەین. من دەڵێم، ئەگەری ئەوە هەیە لە ماوەى هەفتەیەکدا شەڕ نەمێنێت. من چارەسەری دەکەم و بڕوام بە خۆم هەیە. بۆ چارەسەری ئامادەم. دەبێت ئەوەش دەکەوێتە ئەستۆی دەوڵەت ئەنجامی بدات".
دەقی راگەیاندراوی نووسینگەى مافەکانى ئەسرین:
"ئێمە ٧ی ئابی ٢٠١٩ / ١٦ی گەلاوێژ چاومان بە موەکیلەکەمان بەڕێز عەبدوڵا ئۆجان کەوت و چاوپێکەوتنمان لەگەڵ ئەنجامدا. لە چاوپێکەوتن لەگەڵ بەڕێز ئۆجالان دا گفتوگۆ لەبارەی رۆژەڤی سەرەکی و چەندین تەوەری سەرەکیی پێشکەوتنى مێژوویى پەیوەندیی کورد – تورک و لەبارەی دۆخی شەڕ و قەیرانەکانەوە کرد.
پەیوەندییەکانى کورد – تورک، کە لە ئەخڵات و مەلازگرتەوە دەستیپێکردووە و تاوەکو دەستووری بنەڕەتیى ١٩٢١ شیکاریى بۆ کرا. رایدەگەیەنێت، پەیوەندیدار بەو بابەتەوە دەبێت هەموو لایەنەکان بە هەستیاری و لەو چوارچێوەیەدا بجوڵێنەوە. جا ئەوانە چ خۆیان بە کەمالیست، یان عوسمانییە نوێکان بناسێنن، دەبێت هەر دوو عەقڵییەتەکە بەپێى مێژوو و پەیوەندیى کورد – تورک و بەشێوەیەکى راست و دروست هەڵوێستێکى باش و ئەرێنى بخەنەڕوو.
دەبێت هەموو کەسێک ئەوە بزانێت ئەنجامی قورس بە دواى خۆیدا دەهێنێت
بەڕێز ئۆجالان لەبارەى پێداگری لەسەر سیاسەتى شەڕ و قەیرانەکانى ئێستا نیگەرانە. سەرنجی خستە سەر لە دەستدانە مرۆیى، سیاسی و ئابوورییەکان، کە لە ماوەى ٤٠ ساڵ دا روویانداوە. پێداگری لەسەر ئەو سیاسەتە لە هەرێمەکەدا ئەنجامی قورستر لەوەش بە دوای خۆیدا دەهێنێت، دەبێت هەموو کەس ئەوە ببینێت و بیزانێت.
هەوڵە دیموکراتیکەکانى لە کاتی ئۆزال-ەوە تاوەکو ئێستا لەلایەن کۆنترا گەریلا (دژە گەریلاکانەوە) تێکدراون، ئەمڕۆش هێزەکانى دژ بە چارەسەری بۆ ئەوەى هەمان مەبەستیان بەدی بێت، بوونەتە پۆتانسێل و ماتەوزەیەک و لە ئاستێکدا شەڕ هەڵدەگیرسێنن.
وتەکەى ئۆزال لە ساڵی ١٩٩٣دا، کە رایگەیاندبوو 'بە شەڕ چارەسەر نابێت' بە بیرهێنایەوە، سەرباری پاراستنى راستییەکانی ئەو دۆخەش، ئەمڕۆش بڕیارداری و پێداگریى ئۆزال نیشان دەداتەوە و ئیرادە و ورەی ئەوەى هەیە، کە لێپرسینەوە بکات.
ئاخۆ کورد مافی هەبێت یان نا؟
بەڕێز ئۆجالان بە هەوڵێکى زۆر شکۆمەندانەوە کاتی (سەردەمی) دەوڵەت و عەقڵی دەوڵەت شیکار و ئانالیز دەکات. لە دژی مێژووی درۆ، سەرقاڵکەرانە و ساختە، کە عەقڵی شۆڤێنسیتییە، دەمەوێت بەپێى مێژووی پەیوەندیى کورد – تورک و بەپێى مێژووی راست و دروست جێگە و پێگەیەک بۆ کورد بکەمەوە. لەو چوارچێوەیەدا کورد پێویستى بە دەوڵەتێکى تر نییە، بەڵام پرسیاری ئەوەی کرد، کە 'ئاخۆ کورد مافی هەبێت یان نا؟ (باسی لەوەکرد)، هەموو کات هەوڵ و گەڕانی بە دواى ژیانى ئازاد، مرۆڤ ئازاد و کۆمەڵگەى ئازاد دا بووە، کە ٤٠ ساڵە بەردەوامە و رایگەیاند، عەقڵی کورد بونیات دەنێت.
گۆشەگیریى ٢٠ ساڵە، پەیوەندیى بە شەڕەکانی ئەمڕۆوە هەیە
بەڕێز ئۆجالان راشیگەیاند، لە سەردەمی ئۆزال تاوەکو ئەمڕۆ هەوڵەکان بۆ ئاشتی و دیموکراسی بەردەوامییان هەیە. بەڕێز ئۆجالان ئەوەشی راگەیاند، گۆشەگیریى ٢٠ ساڵە لە دژی و ئەو شەڕانە، کە ئەمڕۆ روودەدەن پەیوەندییان پێکەوە هەیە. هەروەها وتی، سەرباری هەموو ئەو زۆردارییانەش ماوەى ٢٠ ساڵە لە دژی ئەوە، لەسەر هێڵێ ئاشتی پێداگری و خۆڕاگری دەکات و بۆ ئەوەش دەبێتە وەڵامدەرەوە.
بەڕێز ئۆجالان دەڵێت: "من بۆ کورد جێگە و پێگە دروست دەکەم. وەرن ئێمە پێکەوە کێشەى کورد چارەسەر بکەین. دەڵێم، من لە ماوەى هەفتەیەکەدا دۆخی شەڕ و ئەگەری شەڕ ناهێڵم. من چارەسەری دەکەم و بڕوام بە خۆم هەیە و بۆ چارەسەری ئامادەم. بۆ ئەوەش دەبێت دەوڵەت و عەقڵی دەوڵەت ئەوەى پێویستە ئەنجامی بدات".
هەروەها بە بۆنەى جەژنەوە، سڵاو لە هەموو گەلەکەمان دەکەم، کە بۆ تێکۆشانی ئاشتی و دیموکراسی رەنج و دڵی بەخشیوە و جەژنی گەلەکەمان پیرۆز بێت. "سڵاوى تایبەتى خۆیشی" بۆ زیندانییەکان نارد.
ژ.ت