چالاکی ئیشکگری 'ئازادی بۆ ئۆجالان' لە بەرامبەر کۆنسەی ئەوروپا بۆ ئازادی عەبدوڵلا ئۆجالان ڕێبەری گەلی کورد ٢٧٦٠ ڕپژە بەردەوامە. هەر هەفتەیەک گروپێک چالاکیەکە بەڕێوەدەبەن. ئیشکگرانی ئەم هەفتەیەش ٣ کوردی دانیشتووی شاری ڕەناسی فەڕەنسان.

ساڵح هۆجا، شێخموس ئامەد و ئەرهان ئاکتای دەستیان بە چالاکیەکە کرد و پێشبینیدەکریت ژمارەیەک کوردستانی تریش بەشداری تێدا بکەن.

ساڵح هۆجا بە ناوی گروپەکە قسەی کرد و ڕایگەیاند، هەڵوێستی کۆمیتەی ڕێگریکردن لە ئەشکەنجە و کۆنسەی ئەوروپا  لەبەرامبەر گۆشەگیری سەر ڕێبەر ئۆجالان خزمەتی دەوڵەتی تورک دەکات.

ساڵح هۆجا وتیشی، لە ڕێگەی گۆشەگیریەوە پەیوەندی زیندانیان لەگەڵ دەرەوە دەپچڕێنن و ڕایگەیاند، پیویستە سی پی تی هەڵوێستی هەبێت.

وتەبێژی گروپەکە وتیشی، گەلی کورد و لایەنگرانی دیموکراسی پێویستە لە دەوری ئۆجالان کۆببنەوە و ئەوە ڕێگای چارەسەریە و ئەگەر کورد و دیموکرات دەیانەوێت تورکیا دیموکرات ببێت، پێویستی بە ئازادی ئۆجالان هەیە. هەرموو کەسێک ئەم زوڵمە دەبینێت و تاکە ڕێگای ڕزگاری لەم زوڵمە ئازادی ئۆجالانە.

ئیشکگری ئازادی بۆ ئۆجالان ٢٥ی حوزەیرانی ٢٠١٢ دەستیپێکرد. تا ئێستا زیاتر لە ٢ هەزار کەس بەشذاریان لە چالاکیەکەدا کردووە و بەردەوامە.

ف.ق