لە شاری بیلباوی باسک پێنجەمین کۆنفرانسی بزوتنەوە فیمینیستیەکان بەڕێوەچوو.

کۆنفرانسەکە سێ ڕۆژ بەردەوام بوو و سێ هەزار ژن لە هەموو هەرێمەکانی باسک بەشداریان تێدا کرد.

ژمارەیەک ژنی کەتەلۆنیا و ئەمریکاش بەشداریان لە کۆنفرانسەکەدا کرد.

لە ڕۆژی سێیەمی کۆنفرانسەکەدا پەیامی نەسرین عەبدوڵا وتەبێژی یەپەژە لە رێگەی ڤیدیۆ کۆنفرانسێکەوە پێشکێشکرا.

نەسرین عەبدوڵا بەخێرهاتنی هەموو بەشداربووانی کرد و سوپای ژنانی کرد کە لە دەستپێکی شۆڕشەوە پشتگیری خۆیان دەربڕیوە.

هەروەها هیوای خواست لەدژی دڕندەیی ئەردۆغان بەرامبەر ڕۆژئاوا دەنگیان بەرز بکەنەوە و پشتگیری خۆیان بەردەوامی پێبدەن.

لە بەشێکی تری کۆنفرانسەکەدا پانکارتێکی گەورە بەرزکرایەوە و ڕاگەیەنرا ئەوان هەموویان لە سەنگەری شەڕدان.

بەشداربووانی کۆنفرانسەکە دروشمی "ژن ژیان ئازاد" "بژی بزوتنەوەی ژنانی کوردستان و بژی بزوتنەوە فیمینیستەکانیان" وتەوە.

لە هەمان کاتدا ئاڵای یەپەژە، یەپەگە و کۆنگرەی ستار بەرزکرایەوە.

ف.ق