لە ڕاگەیەندراوی هێزە چەکدارەکانی ئێراندا هاتووە، فڕۆکەکە لە ناوەندێکی سەربازیی هەستیار نزیکبووەتەوە و بەشێوەیەکی نەخوازراو و بە هەڵەیەکی مرۆیی بەر مووشەکی سیستمی بەرگریی ئێران کەوتووە، فڕۆکەکەش لە فڕۆکەخانەی ئیمام خومەینی لە تاران هەستاوە و بەنزمی بەسەر ئەو ناوەندە سەربازییەدا سووڕاوەتەوە.

لەسەر ڕووداوەکە جەواد زەریف، وەزیری دەرەوەی ئێران داوای لێبووردنی لە خەڵکی ئێران کردووەو ڕایگەیاندووە:"هەڵەیەکی مرۆیی بووە، پەشیمانین، داوای لێبووردن و سەرەخۆشی لە خەڵکی خۆمان و خێزانی قوربانییەکان و ئەو نەتەوانەی دیکە دەکەین کە خەڵکیان لە فڕۆکەکەدا بووە قوربانی".

هەروەها حەسەن ڕۆحانی سەرۆک کۆمار کەمێک لەمەوبەر لەسەر ڕووداوەکە پەیامێکی بڵاوكردەوە و ئەویش بە هەڵە ناوی بردووە و بە ڕووداوێکی تراژیدی لە قەڵەمی داوە.

ف.ق