موقتەدا سەدر، ڕێبەری ڕەوتی سەدر ڕایگەیاند، دەبێت هێزە بیانییەکان لە عێراق بچنە دەرەوە. هەروەها داوای داخستنی ئاسمانی عێراق بەڕووی فڕۆکە سەربازی و هەواڵگریی و سیخوڕییەکانی وڵاتە بیانیەکانی کرد.
سەدر بەیاننامەیەکی لەمبارەیەوە بڵاوکردەوە و لە چەند خاڵێکدا داوای چوونەدەوەی ئەمریکا لە عێراق دەکات.
یەکەم: داخستنی تەواوی بنکە سەربازییەکانی ئەمریکا لەسەر خاکی عێراق
دووەم: داخستنی بارەگای کۆمپانیا ئەمنییەکانی ئەمریکا و کۆتاییهێنان بە کارەکانیان لە عێراق.
سێیەم: داخستنی ئاسمانی عێراق بەڕووی فڕۆکە سەربازی و هەواڵگریی و سیخوڕییەکانی داگیرکەر.
چوارەم: هەڵوەشاندنەوەی تەواوی ڕێککەوتنە ئەمنییەکان لەگەڵ وڵاتانی داگیرکەر، بەهۆی نە پاراستنی هاوسەنگی نێودەوڵەتی تیایاندا.
پێنجەم: لەسەر ترامپ پێویستە بڕیارو لێدوان لەبارەی عێراقەوە نەدات
شەشەم: پێویستە وڵاتان دەستوەردانەکانیان لە عێراق کۆتایی پێ بهێنن و مامەڵە داگیرکارییەکانیان لەگەڵ عێراق کۆتایی پێبهێنن.
ف.ق
