ژمارەی کوژراوەکانی هێرشەکەی کابول گەیشتە ٩٠ کەس
لە کابول لە هێرشی داعشدا زیاتر لە ٩٠ کەس گیانیان لەدەستداوە.
لە تەقینەوەی خۆکوژی فڕۆکەخانەی کابولی پایتەختی ئەفغانستاندا کە داعش بەرپرسیاری لە ئەستۆ گرت، ٩٠ کەس گیانیان لەدەستداوە کە ١٣ کەسیان سەربازی ئەمریکین.
ژمارەی قوربانیانی هێرشەکەی کابول بەرزبوەوە کە لە رێگەی تەقینەوەیەکی خۆکوژی ئەنجامدرا و داعش بەرپرسیاری لە ئەستۆ گرت.
بەرپرسێک بۆ بی بی سی قسەی کرد و رایگەیاند، لە هێرشەکەی ئێوارەی پێنجشەمەدا ٩٠ کەس کوژراون و لانیکەم ١٥٠ کەس بریندار بوون.
راگەیەنرا، ١٣ کەس لە کوژراوەژان سەربازی ئەمریکین.
ئاژانسی رویتەرز لە زاری بەرپرسێکی تالیبانەوە رایگەیاند، لانیکەم ٢٨ ئەندامی تالیبان لە هێرشەکەدا کوژراون.
ف.ق
