لە شارى هامبورگی ئەڵمانیا لە چالاکییەکدا دەوڵەتى نەرویج بەهۆى رادەستکردنەوەى گولیزار تاشدەمیر ژنە چالاکوانى کورد بە تورکیا  ئیدانەکرا.

چالاکییەکە لە بەردەم ئالتن مەرکادۆ رێکخرا. ئەنجوومەنى ژنانى رۆژبین و رێکخراوە دیموکراتیکەکانى ژنان بەشدارى چالاکییەکە بوون. لە چالاکییەکەدا جگە لە بەرزکردنەوەى وێنە و پۆستەر و دروشم بۆ گولیزار تاشدەمیر، وێنە و پۆستە و دروشمیش بۆ تورگوت کایاش بەرزکرانەوە، چونکە تورگوت کایاش لە یونان ژیانى لە مەترسیدایە و بڕیارە ئەویش رادەستى تورکیا بکرێتەوە.

"نیگەرانى چارەنووس و ژیانى گولیزار تاشدەمیرین"

نووسەر ئانیا فلاخ لە کۆبوونەوە ناڕەزایەتییەکەدا رایگەیاند، تاشدەمیر چەندین ساڵ بۆ ئازادیى ژنان تێکۆشاوە.

 راشیگەیاند "لە چارەنووس و ژیانى گولیزارى هاوڕێمان نیگەرانین. نەوریج بە یاساکانى دیموکراسی بەڕێوەدەبرێت، بەڵام بە کارەی بەهاکان و دیموکراسیەکەى خۆى پێشێلکردووە و ملکەچی حکومەتەکەى ئەردۆغان بووە. ئێمە ئەوانە شەرمەزار دەکەین".

نوێنەری فیدراسیۆنى کرێکارانی تورکیا لە ئەوروپا (ئاتیک - ATÎK)) باسى لە ناسنامەى شۆڕشگێڕیى گولیزار تاشدەمیر و تورگوت کایا کرد و رایگەیاند، ئەو کەسانە جێگاى شانازی و سەربەرزیى گەلانن.

ر.م