لە مانگی شوباتدا ٢٢ ژن لە تورکیا کوژراون
کەجەدەپە ڕایگەیاند، لە مانگی شوباتدا زیاتر لە ٢٢ ژن لە لایەن پیاوانەوە کوژراون.
پلاتفۆرمی ئێمە کوشتنی ژنان ڕابگرین (کەجەدەپە) ئاماری مانگی شوباتی هێرش و کوشتنی ژنانی ئاشکرا کرد. بە پێی ئامارەکە لە مانگی شوباتدا ٢٢ ژن کوژراون و ١٢ ژن بە شێوەیەی گوماناوی گیانیان لەدەستداوە. هێشتا دۆسیەی کوشتنی ١٥ ژن یەکلایینەکراوەتەوە.
لە لایەن کەسوکاریانەوە کوژراون
بە پێی ڕاپۆرتی پلاتفۆرمەکە ٨ ژن لە لایەن هاوسەرەکانیانەوە، ٥ ژن لە لایەن کەسوکاریانەوە، ٣ ژن لە لایەن ئەو پیاوانەی کە لەگەڵیاندابوون، ٣ ژن لە لایەن کوڕەکانیانەوە، ژنێک لە لایەن باوکیەوە و ژنێکیش لە لایەن هاوسەری پێشوویەوە کوژراون.
١٣ ژن لە ماڵەوە، ٣ ژن لە کۆڵان، ژنێک لە هۆتێل، ژنێک لە چۆڵەوانی و ژنێکیش لە شوێنێکی دووردەست کوژراون. شوێنی کوشتنی ٣ ژنیش ئاشکرانەکراوە.
ف.ق
