فەرمانبەرێکی زانکۆی کەرکوک لە لایەن داعشەوە کوژرا
درەنگانی شەوی ڕابردوو لە قەزای دووبز لە کەرکوک فەرمانبەرێکی سەرۆکایەتی زانکۆی کەرکوک کوژرا.
درەنگانی شەوی ڕابردوو لە گوندی (قوشقایە) لە قەزای دووبز لە باشوری رۆژئاوای شاری کەرکوک، ژمارەیەک چەکداری داعش هەوڵی سووتاندنی دەغلی کشتوکالدی ئەو ناوچەیەیان دا پاش ئەوەی ئەو فەرمانبەرە بەناوی (ئەنەس نایف خەمیس) رووبەرووی ئەو چەکدارانە بووەوە، دەستڕێژی گولەیان لێکرد و کوژرا کە تەمەنی ئەوفەرامانبەرە ٤٥ ساڵ بوو.
دوای ئەوەی چەکدارانی داعش ئەو هاوولاتییەیان کوشت لیوای ٥٦ی حەشدی شەعبی گەیشتە گوندەکە و رووبەرووی چەکدارانی داعش بوونەوە و چەکدارانی داعش ناچاربوون بکشێنەوە لەو ناوچەیە.
ز.ش
