پارێزگاری وان، کە هاوکات قەیومی داسەپێنراوى ئاکەپەیە بەسەر شارەوانیى وان دا و بەڕێوەبەری خزمەتگوزاری بە پەلە "فەرمانى ئیدلب" بۆ هەموو ئەو شارەوانیانە نارد، کە ئاکەپە لە رێگەى قەیومەوە دەستی بەسەردا گرتوون.

فەرمانەکە و پارە کۆکردنەوەکە بە ناوی "ئێمە پێکەوەین، ئێمە لەگەڵ ئیدلبین" بەڕێوەدەچێت و بەپێى زانیارییەکان، بۆ کۆکردنەوەى پارە گوشار خراوەتە سەر هەموو کارمەندان و فەرمانبەرانى شارەوانی.

نووسراوێک بە ئیمزای پارێزگار م. ئەمین بیلمەز بۆ شارەوانییەکان و هەموو دامودەزگا گشتییەکان نێردراوە و لە نووسراوەکەدا ناو ئەو ژمارە بانکیانەش نووسراون، کە دەبێت کارمەندان و فەرمانبەران پارەى تێبکەن.

ژ.ت