هەپەگە بەڕێزەوە یادی شەهیدانی دەرسیمی کردەوە
هەپەگە یادی سێ شەهیدی کردەوە کە لە ساڵی ٢٠١٨ لە دەرسیم شەهید بوون.
ناوەندی ڕاگەیاندن و چاپەمەنی هەپەگە ناسنامەی ٣ گەریلای ئاشکرا کرد کە لە ساڵی ٢٠١٨ دا لە دەرسیم شەهید ببوون.
ڕاگەیەنراوی هەپەگە بەم شێوەیەیە:
"لەنیوان ٢٨ و ٢٩ی ئەیلولی ٢٠١٨ دا لە ناوچەی مازگیری دەرسیم، دوای ئەوەی سوپای تورکی داگیرکەر دەستی بە ئۆپەراسیۆن کرد، شەڕ ڕوویدابوو و ٣ گەریلامان شەهید ببوون. زانیاری لەبارەی ناسنامەی شەهیدەکانمان بەم شێوەیەیە کە بە قارەمانێتی شەڕیان کرد:
نازناو: ئارمانج تایلان
ناو و پاشناو: موستەفا بۆزیڵ
شوێنی لەدایکبوون: ئامەد
ناوی دایک و باوک: حوسنا و عەزیز
کات و شوێنی شەهادەت: ٢٩ی ئەیلولی ٢٠١٨ / دەرسیم
نازناو: جەسور عەلی
ناو و پاشناو: عەلی باگریانلک
شوێنی لەدایکبوون: دەرسیم
ناوی دایک و باوک: سەڤیم و موستەفا
کات و شوێنی شەهادەت: ٢٩ی ئەیلولی ٢٠١٨ / دەرسیم
نازناو: جودی زەردەشت
ناو و پاشناو: شەڕڤان یەمان
شوێنی لەدایکبوون: جۆلەمێرگ
ناوی دایک و باوک: حەلیمە و عومەر
کات و شوێنی شەهادەت: ٢٩ی ئەیلولی ٢٠١٨ / دەرسیم
هاورێکانمان ئامانج، جەسور و جودی لەناو کۆمەڵگایەکی وڵاتپارێز گەورە بوون و بە گەنجی تێکۆشانی ئازادیان ناسی. هاوڕێکانمان بە دروشمی کوردستانی ئازاد و ڕێبەرایەتی ئازاد بەشداریان لە ڕێزی تێکۆشاندا کرد. گەنجان بە گیانی قاڕەمانێتی، جێگای خۆیان لە شەڕی دژی دەوڵەتی تورکی داگیرکەردا گرت و بۆ ئەوەی تێکۆشانی ئازادی کورد سەربکەوێت، تا دوایین سات بەرخۆدانیان کرد. ئێمە گەریلاکانی ئازادی کوردستان سەرەخۆشی لە خانەوادەی هێژای شەهیدەکانمان دەکەین و دەڵێین، سەری گەلی وڵاتپارێزمان خۆش بێت و بەڵێن دەدەین تیکۆشانی ئازادی گەلی کورد بە سەرفرازی بە ئەنجام بگەیەنین."
ف.ق
