بەپێی هەوالێکی ئاژانسی هەواڵی ڕۆژنیوز گەنجێکی خەڵکی کەرکووک بەناوی ئەیوب خەلیل، کە لە ٢٤ی مانگی پێشووەوە بۆ بەشداریی لە چالاکیی قەڵغانی زیندوو چووەتە ناوچەی برادۆست، لە ڕۆژانی ڕابردوو و لەکاتی گەڕانەوەی بۆ کەرکووک لە ناوچەی سیدەکان لەلایەن هێزەکانی ئاسایشی سەربە پارتییەوە دەستگیرکرا.

بەپێی زانیارییەکان، کە لە چالاکوانانی قەڵغانی زیندوو وەریگرتووە، ئەیوب خەلیل سەرەتا لەلایەن ئاسایشی سیدەکانەوە دەستگیرکراوە و دوای کۆنترۆڵی ناسنامەکەی ڕادەستی ئاسایشی مەسیف-ی سەر بە هەولێر کراوە.

تا ئامادەکردنی ئەم هەواڵە، ئاسایشی پارتی دیموکراتی کوردستان-عێراق هیچ زانیارییەکی لەسەر ئەم دۆسییە بڵاونەکردووەتەوە.

ک-ش