گۆڤاری ستێرا جوان بە مانشێتی "بە رۆحی قاسم ئەنگین و ١٤ی تەموز، ئەم سەردەمە دەکەین بە سەردەمی چالاکی!" چاپ کرا.

ژمارەی ئەم جارەی گۆڤارەکە کە گرنگی دەدات بە بابەتەکانی خۆڕاگری، لە کۆمەڵێک بابەتی ئایدۆلوجی و سیاسی و کلتوری و هونەری و مێژوویی پێک دیت.

ئەم گۆڤارە کە لە ئەروپا چاپ دەکرێت، یەکێکە لە کۆنترین بڵاوکراوەکانی گەلی کورد و تێیدا بە زمانەکانی کوردی، ئەلمانی، فەرەنسی، ئینگلیزی و تورکی بابەت بڵاو دەکرێنەوە. لە ژمارەی ئەمجارەدا، گرنگیەکی زۆر دراوە بە بابەتی "خۆڕاگری".

لە گۆڤارەکەدا چەند بابەتێکی رێبەری گەلی کورد عەبدولا ئۆجالان وەکو، 'یان لەناوی دەبەین، یان لەناوی دەبەن' و 'بە پێشەنگایەتی گەنجان، بەرەو راپەڕێنی گەل' بڵاو کراوەتەوە. هاوکات بابەتێکی شەهید قاسم ئەنگین ئەندامی کۆمیتەی ناوەندی پەکەکە و بابەتێکیش بۆ یادکردنەوەی ئەو شەهیدە، بڵاو کراوەتەوە.

هەروەها لە ژمارەی ئەم جارەی گۆڤارەکەدا، چەند بابەتێکی دیکەی وەکو، "سەرۆک ئاپۆ"، "رێنوێنی"، ژنانی گەنج"، "گەڕان بە دوای ئازادیدا"، "یادەوەری"، "شیرۆڤە"، "چالاکی"، "کلتور و هونەر" و "پەرتوکخانە" بڵاو کراونتەوە.

بۆ خوێندنەوەی گۆڤارەکە بە رێگای (پی دی ئێف) یان گوێگرتنی بابەتەکان بە دەنگ، کلیک لەسەر ئەم لینکانەی خوارەوە بکە:

PDF: https://www.rojaciwan.eu/tr/sterka-ciwan/

Soundcloud: https://soundcloud.com/sterkaciwan

Spotify: https://open.spotify.com/show/0JZErTQOyhzbJMAR1bfgx

ز.ش