یادی شه‌هیدان به‌دران، محه‌مه‌د، موراد، عوسمان و عه‌بدولكه‌ریم كرایه‌وه‌

گه‌ریلای هه‌په‌گه‌ سه‌عید تانت (به‌دران جوودی) و ٤ چه‌كداری دیكه‌ به‌ ناوه‌كانی محه‌مه‌د تانت، موراد ئاتاك (زه‌كی)، عوسمان ئیلهان و عه‌بدولكه‌ریم ئیزه‌ر كه‌ له‌ ئه‌نجامی هێرشی ئاسمانی شه‌هیدبووبوون، یادیان كرایه‌وه‌.

٢٢ی نیسانی ٢٠١٧ له‌ سنووری قه‌زای ئامێدیی باشووری كوردستان له‌ ئه‌نجامی هێرشی ئاسمانیی ده‌وڵه‌تی توركی داگیركه‌ر گه‌ریلای هێزه‌كانی پاراستنی گه‌ل (هه‌په‌گه‌) سه‌عید تانت ناسراو به‌ به‌دران جوودی له‌گه‌ڵ ٤ چه‌كداری دیكه‌ به‌ ناوه‌كانی محه‌مه‌د تانت، موراد ئاتاك (زه‌كی)، عوسمان ئیلهان و عه‌بدولكه‌ریم ئیزه‌ر شه‌هیدبوون. 

ئه‌مڕۆ له‌ وارگه‌ی په‌نابه‌رانی شه‌هید ڕۆسته‌م جوودی له‌ قه‌زای مه‌خموور مه‌ڕاسیمی مه‌ولوود ساز كرا و به‌ درووشمی «شه‌هید نامرن» یادی ئه‌و شه‌هیدانه‌ كرایه‌وه‌. هاوڵاتییان سه‌ردانی گۆڕی شه‌هیدانیان كرد.

s.m