کەژەکە بەبۆنەی ساڵوەگەڕی کۆمەڵکوژیی پاریسەوە ڕایگەیاند: پێویست ساڵی ٢٠٢١ ببێتە ساڵی حەسابپرسینەوە لە دەسەڵاتداریی پیاوان، دەستدرێژیکاران و قڕکەرەکان، دەبێت ڕۆژی ٩ی مانگی یەک ببێتە ڕۆژی گەشکردنی تێکۆشان.
کۆردیناسیۆنی کۆمەڵێن ژنانی کوردستان- کەژەکە، بەبۆنەی ساڵوەگەڕی کۆمەڵکوژییە پاریسەوە لە ساڵی ٢٠١٣، کە لەلایەن دەزگای سیخوڕیی دەوڵەتی تورک- میت’ـەوە ئەنجامدرا ڕاگەیەندراوێکی بڵاوکردەوە.
لە ڕاگەیەندراوەکەدا بە ئاماژەدان بە کۆمەڵکوژییە سێ ژنە شۆڕشگێری کورد ساکینە جانسیز (سارا)، فیدان دۆغان (ڕۆژبین) و لەیلا شایلەمەز (ڕۆناهی) لە ڕۆژی ٩ی مانگی ١ی ساڵی ٢٠١٣ لە پاریسی پایتەختی فەرەنسا، هاتووە: ئەم هێرشە بە ئامانجی لەناوبردنی ئایدۆلۆژیای ئازادیی ژن و پوچەڵکردنەوەی ڕاستیی ڕێبەر ئاپۆ ئەنجامدرا، ئەم کۆمەڵکوژییە لە چوارچێوەی شەڕی سێیەمی جیهانییە کە لەلایەن هێزە کاپیتالیستەکان و بەدەستی چەتەکانی میت’ەوە ڕێکخرا، لەسەر ئەو بڕیارەین کە حەسابی ئەو کۆمەڵکوژییە بپرسینەوە.
لە بەشیکی دیکەش هاتووە: هەڤاڵ سارا لە کتێبەکەی خۆیدا دەڵێت؛ “بەڵێ ئەگەر بەرخۆدان بێت، ئەو کاتە بەرخۆدان هێشتا بەردەوامە، کاتێک ڕێبەر ئاپۆ باسی کتێبەکەی منی بە بەرخۆدان دەکرد، دەیوت؛ دوای ئەمە دەتوانی ڕۆمانەکەی خۆت ‘ڕۆمانی سەرکەوتن’ بنووسی، لەوانەیە دەرفەتی نووسینی ڕۆمانی سەرکەوتن دەست نەکەوێت، بەڵام ڕێبازی سەرکەوتن لە شەڕەکانی خۆمدا دروست دەکەم”، بەو ڕوونکردنەوەیە دەکەوینە جوڵە و بە یەکبوونی ژنان و گەلان لە بەرامبەر سیستمی دەوڵەت-زاڵم، سەرکەوتنی ئازادی پێشدەخەین، بە هاوڕێیەتی هەڤاڵ سارا و ڕێبەر ئاپۆ، ئازادی ڕێبەرمان دەکەینە ناوەندی تێکۆشانی ئازادیی ژنان و بەرزی دەکەینەوە.
لە کۆتاییش هاتووە: بە ئامانجی ژیانێکی ئازاد، کوردستانێکی ئازاد، ژنی ئازاد و جیهانیکی ئازاد، قەرزداریی خۆمان بۆ ساراکان ڕادەگەینین، لەسەر ئەم بنەمایەدا، ساڵی ٢٠٢١ بە بڕیاری هەڵوەشاندنەوەی فاشیزم لە کەسایەتی سارا، ڕۆژبین و ڕۆناهی، پێشەنگی بەڕێوبەریی ڕاستەقینە، سێڤی، پاکیزە، فاتمە و هەموو شەهیدان، بە قەرزداری و ڕیزداری بەبیر دێنینەوە و دەڵێین؛ کە هۆکاری ژیانمان دەبێت شایستەی بەبیرهێنانەوەیان بێت.
ف.ق
