بەپێی راپۆرتی ساڵانەی سەنتەری میترۆ بۆ بەرگریکردن لە مافی ڕۆژنامەنووسان، لە ساڵی ٢٠٢٠دا لە باشووری کوردستان لەدژی رۆژنامەنووسان ٣٨٥ هێرش، فشار و پیشێلکردنی مافەکان ئەنجامدراوە.

لە راپۆرتەکەدا باسی ئەوەکراوە، ١٦٣ جار رێگری لە کاری رۆژنامەنووسان کراوە، هەروەها ٧٦ گرتن، ٤٠ سووکایەتی و هەڕەشە ئەنجامدراوە و دەست بەسەر کەلوپەلی ٤٢ رۆژنامەنووسدا گیراوە.

لە راپۆرتەکەدا ئاماژە بەوەدراوە، لەساڵی ٢٠٢٠دا، ٤ دەزگای راگەیاندن لە لایەن دەسەڵاتەوە داخراون.

سەنتەری میترۆ ئەوەشی ئاشکرا کردووە کە بەپێی ساڵی ڕابردوو، فشاری سەر رۆژنامەنووسان زیادی کردووە و یاساکانی رۆژنامەنووسی لەلایەن دەسەڵاتەوە جێبەجێ ناکرێن.

ف.ق