لە سیرت لە دژی گۆشەگیری ڕێپێوان ئەنجامدرا
لە شاری سیرت لە چوارچێوەی 'کاتی ئازادییە'دا رێپێوانێک لەدژی قەدەغەکان ئەنجامدرا.
لە شاری سیرت لە چوارچێوەی 'کاتی ئازادییە'دا رێپێوانێک لەدژی قەدەغەکان ئەنجامدرا.
چالاکیەکە بە پێشەنگایەتی "کۆمەڵەی ڕۆشنبیری ، یەکیتی، پشتیوانی لەو خێزانانەی کە لە گیانیان لە دەستداوە (MEBYA-DER)، فیدراسیۆنی کۆمەڵەی یاسایی و پشتیوانی لە خانەوادەی زیندانیان و سزادراوان (MED TUHAD-FED) لە چوارچێوەی هەڵمەتی "کاتی ئازادیە'دا لە گۆڕەپانی نەورۆزی گەڕەکی بارشی سێرت ئەنجامدرا. جەماوەر لەبەردەم باڵەخانەی هەدەپەی سێرت کۆبووە.
لە رێپێوانەکەدا، دۆڤیزی "گۆشەگیری قبوڵ ناکرێت" و "گۆشەگیری تاوانی دژ بە مرۆڤایەتییە" بەرزکرایەوە.
بەردان ئۆزتورک هاوسەرۆکی کۆنگرەی کۆمەڵگەی دیموکراتیک (کەجەدە) ، فەلەکناس ئوجا ، حەبیب ئەکسیک، حسێن کاچماز و سیدیک تاش پەرلەمانتارانی هەدەپە ، سۆنگول کۆکماز هاوسەرۆکی شارەوانی باتمان ، ئەندامانی ئەنجومەنی دایکانی ئاشتی و زۆر کەس بەشداریان کرد. لە دژی ئەو پۆلیسانەی کە ڕێگەیان نەدا کۆنگرەی رۆژنامەنووسی ئەنجام بدرێت، جەماوەر دروشمی 'بژی سەرۆک ئاپۆ'، 'ژن، ژیان، ئازادی'، 'ئێمە بە بەرخۆدان سەردەکەوین' و 'بژی بەرخۆدانی زیندانەکان'یان وتەوە.
جەماوەرەکە کە ئاستەنگیەکانی پۆلیسیان شەرمەزار کرد، لە سەر رێگەی ئایدینلاران رێپێوانیان کرد. لە درێژەی رێپێوانەکەدا دروشمەکانی 'بژی سەرۆک ئاپۆ' و 'بژی بەرخۆدانی زیندانەکان' وترانەوە.
دوکاندار و هاوڵاتیانی دەوروبەریش بە چەپڵە لێدان و نیشانەی سەرکەوتن پشتیوانییان لە رێپێوانەکە کرد.
ف.ق