موراد کارایلان: جە گارێ دوژمن تارومار کریا و گەریلای تارنیا

موراد کارایلان فەرماندارو (نەپەگە)ی: ئەرتەشو تورکی جە گارێ پەکوزیا و ڕێبازێ چەپەڵێش تاقیێ کەردێوە، ٤ ڕوێ هەوڵش دا تا دەربازو کامپەکێ گەریلای ببۆنە، بەڵام کە زاناش گەمارۆ دریێنێ و هێزەکێمان تارومارێشان مەکەرانێ، کیمیاویش بەکارئاورد و دیلەکێش کوشتێ و ڕەمێ.

موراد کارایلان فەرماندارو بڕیارگەو ناوەندی پارێزنای گەلی- نەپەگە، جە دیمانێوەنە چەنی (بەرناما تایبەت)و ستێرک تیڤی، سەبارەت بە شکستدای ئەرتەشو تورکی جە گارێ، ونەکەوتەکێ شکستەکەی و هاوتوهاوارێ ڕژێمو تورکیای پەیوەست بە هەرێمو گارێی و شکستەکەیشان جە ئا هەرێمەنە. کۆشتەی دیلەکان و هەرپاسە جە گردی گرنگ تەر هەر دمای سەرکەوتەی گارێی، کۆبییەی کۆنسەو فەرماندەیی هێزەکێ پارێزنای گەلی- هەپەگە، بە فراوانی هۆرسەنگنێ و شەیێش کەردێوە.

"١٥ گەریلایێ فیداکارانە داستانەشا تۆمار کەردە"

موراد کاریلان، سەرەتا یادش جە ئا ١٥ گەریلایا کەردەوە کە جە گارێ شەهیدێ بیێ و واتش: ئاڎێ داستانەشان نویستەوە و ئێمە قەرزاربارێشانمێ، ئاڎێ بە فیداکارانە ئا داستانێشا تۆمار کەردە. هەمیشە یادشان بەرز و باڵا نگابدارمێ.
جە ئارۆ بەدماوە، جەنک و مدرامانو گارێی جە مێژوو کۆشای ئازادی کوردیەنە جایگای گرنگش پەی تەرخان بکریۆنە. شەهیدەکێمان بەفیداکاری و گیانبازی و ئازایەتیی ئی داستانێشا نویستەوە. 

"ئامانج ئەرەگێرتەی هەمیشەیی گارێی بێ"

کارایلان دەستنیشانش کەرد: دەسەڵاتداری ئاکەپە- مەهەپە- ئەرگەنەکۆن، کە دلێ قەیرانێ سیاسی، ئابوری، سەربازی و کۆمەڵایەتی و مۆتەکەنە بەسەر مەبەرۆنە، سەرمەست بە سەرکەوتەی و هۆروچنای زووهەنگام (پێشوەخت)ی، ریسکش کەرد و بەمەبەستو ئەرەگێرتەی هێرشش ئارود سەرو گارێی.
جە بەرزتەرین ئاستەنە پیلان پەی ئەرەگێرتەکەی نریارە. سەرەڕاو ئانەی زانێنێ کە پیلانەکەشان عەقڵگیر نییەن و مەتەرسیدارەن، بەڵام دیسانەوە ڕسکشان کەرد. ڕاستە ڕاست سەرۆککۆمار، وەزیر جەنگی و فەرماندارو گردی ئەرتەشی سەرپەرشتی جەنگ و هێرشەکەی مەکەرێنێ. چەنڎین مانگێ ئامادەکاریشان پەی کەردەبێ و بە ئا ئۆمێدە سەربگنانێ و جە ڕاشەوە تەمەنو دەسەڵاتداری وێشان درێبکەرانێوە.

"ئەردۆغان قومارش بە گارێیەوە کەرد"

کارایلان واتش: جە ڕاستییەنە ئەردۆغان قومارش بە گارێیەوە کەرد و قۆمارەکەش دۆڕنا. پەی ئەرەگێرتەی ئوما بێ و پنەش نەکریا. جیاتی ئانەیە دیلەکانشان دەربازێ بکەرۆنە، کوشتێش، ئەرتەشەکەیچش گەریلای تارومار کەرد.

"هەرچی دەرفەتێ دەوڵەتی و ئەرتەشی بێنێ بەکارشان ئاوردێ"
کاریلان ئاشکراش کەرد: ٦ ساڵێ ویەردێنە دژوارتەرین جەنگێ ئەرەگێرتەی ڕووەشان دێنە و جە گارێ هەرچی دەرفەتێ دەوڵەتی و ئەرتەشی بێنێ سەفەربەرێشان کەرێ و دژ بە گەریلای بەکارشان ئاوردێ. بەڵام نەک ئەنجامشان نەپێکا و سەرنەوکتێ، بەڵکو شکستیچشان وارد.

"ئەگەر جە گارێ سەرکەتێنێ زاڵێ بێنێ سەرو گرد لایێرە"

کاریلان جە بەردەوامی قسەکانشەنە واتەنش: ئەگەر جە گارێ سەرکەوتێ بیێنێ، ئاوەختە جە تورکیا هۆروچنای زووهەنگام ڕێکوزێنێ و زاڵێ بێنێ سەرو گرد لایێرە. جە یەک ساڵ و نیمەنە جە سەرنیشتو کوردستانی جە سەرحەد تا مێردین و دێرسیم ١٠ ئۆپەراسیۆنێشان دژمان ئەنجامێ دێ، بەڵام سەرجەمشان شکستشان وارد و ئەنجامگیرێ نەبیێ. جە سەرجەم ئا ئۆپەراسیۆنانە زیانی گیانیمان نەبێ، تەنها جە مێردین ٣ هامڕێمان شەهیدێ بیێ. هەر پەوکەی ڕژێم وازیار بێ جە گارە قەرەبوو ئا ئۆپەراسیۆنا بکەرۆنەوە و جە هەر بەرزتەرین ئاستەنە ئامادەکاریش پەی ئانەی کەردەبێ. گەرەکشانبێ کە هەرە ستراتیژیتەرین یاگێ گارێیەنە یاگەگیرێ ببانێ. بە ئی جۆرە هێز و باڵادەستی وێشان هەم بە؟ئێمە و هەم بەهێز و لایەنەکانو دەوروبەری نیشانە بڎانێ.

"جە پانیشتو گارێی نائامادەیی بییەن"

کاریلان باسش جە کەموکۆڵیەکانشان جە گارێ کەردەنو واتەنش: دیارەن جە پانیشتو گارێی نائامادەیی بییەن و هامڕاکێمان ئامادەکاری تەمامشان نەبییەن. تەدبیری خاسشان نەگێرتەنوەر. کۆبییەو کۆنسەو فەرماندەیی هێزەکێ پارێزنای گەلی- (هەپەگە)یەنە ئا کەمکوڕیێ وزیێ ڕووە؟و جوون خاڵێ لاوازێ گەریلای دەستنیشانێ کریێ.
 
"دەرەقەتێ گەریلای نامێ و پەی وێ دەربازکەردەی کیمیاویشان بەکاربەرد"

ئەرتەشو تورکی جە گارێ پەکەشوزیا، ڕێبازێ چەپەڵێش تاقیێ کەردێوە، ٤ ڕوێ هەوڵش دا تا دەربازو کامپەکێ گەریلای ببۆنە، بەڵام کە زاناش گەمارۆ دریێنێ و هێزەکێمان تارومارێشان مەکەرانێ، کیمیاویش بەکارئاورد و ڕەمێ. ئا سەرکەوتەیە بە پێشەنگی شۆڕش، ڕۆژهات و سەیفییەکان مسۆگەر بی و بەدەستوزیا. هامڕێ گەریلاکێمان هەر جە یەکەمین ساتەوە بە دژواری ڕووبەڕووێ دوژمنی بیێوە و داشان ونە. ئەرتەشو تورکی عاسی کریا و جە جمەی وزیا. هەر پۆکەی ئەرتەشەکە پەناش بەردە  پەی ڕێبازگەلێ نائینسانیێ و چەپەڵێ و تەرسەزاڵانە کیمیاویشان بەکارئارورد. چوار ڕوێ پەیاپەی هەوشاندا؟تا وێشان بیاونانێ کامپەکێ گەریلای، بەڵام هەرگیز نەتاواشا و ناچار بەپەلە مەیڎانشان چۆڵ کەرد و ڕەمێ.

"بەداخەوە جە گارێ سەرنەکەوتێمێ"

بەحساب ئومێ بێنێ تا گارێی بگێرارە و جە ئاگەوە بازنەوئۆپەراسیۆنەکەیشان فروانتەر بکەرانێوە. بەڵام گەریلای شکست قورس دێ و تارێش نیێ. ئەردۆغان پەی یەکەمین جاری ناچار بی دزان بنیۆنە شکستەکەیشارە و بواچۆنە:  بەداخەوە سەرنەکەوتێمێ.قارەمانەکێمان ئەردۆغان-شان ناچار کەرد تا ئا قسێ بکەرۆنە دزان بنێۆن بە شکستەکەیشەرە. 

"ئەگەر یۆشان بە ساخی دەربازش نەبێ"

کاریلان ئاماژەش بە ئانەی دا: ئەگەر هێرشەکە هامنێ ئەنجامشان دابیایە، یەک یۆشان چێشەن بە ساخی دەربازش نەبێ. بەڵام دیسانەوە سەرەڕاو سەختی بارودۆخەکەی هامڕێ گەریلاکێمان قارەمانانە گورزی قورشان ونەدێنێ. بەڵام ئەگەر هامن بیێ گورزی فرە فرە قورس تەر ونەشان دریابیێ.

"گەریلا سەردەمی"

کاریلان باسش جە گرنگی کۆبییەو کۆنسەو فەرماندەیی هێزەکێ پارێزنای گەلی- (هەپەگە) کەرد کە هەر جە دمای جەنگەکەی ڕێکوزیان و جە میانشەنە بواری لەشکری، هێرشە ئەرگێریەکێ ڕێژمو تورکیای بەتایبەتی هێرش دژ بە گارێی، هەرپاسە کەموکوڕیەکێ گەریلای و سەرڕاستکەردەیشان، تەدبیرێ تازێ و وەڵێکەوتێ پەی ڕووبەڕووبییەی دوژمنی وزیێنێ وەرو باسی و گفتوگۆی و جە ئی بارەوە واتش: گەریلا جە هەفتانین ئازموونش هۆرگێرتەبێ، جە گارە ئا ئازموونەشە بەکاربەد. بە پاوئا زانیاریا کە بە؟ئێمە یاوێنی جە هێرشەکەو سەروگارێیەنە ٢٠ درۆنێ و باڵەپڕێ ڤشکنای، ٤١ باڵەپڕێ جەنگیێ، چەنڎین هەلکۆپەرتێ جەنگیێ کۆبرا، سکۆرسی و ئاتاکێو بە دەیان تیمێ تایبەتێ ٤ ڕوێ پەیاپەی هێرششان ئەنجامدا و  ٥٠ یاگێ و خاڵێ گارێ-یشان بۆردومانێ کەردێ کە،جە؟ئەنجامشانە؟تەنیایەک گەریلامان شەهیدبی. سەرجەم ١٤ هامڕێکێ- تەرێمان جە جەنگی ڕووبەڕوونە شەهدێ بیێنێ. گەریلا بە تاکتیکێ تازێ جارێ تەر جە گارێ سەلەمناش کە سەردەمێوی نوین و تازە و شێوازێوی سەرکەوتوانەی گەورەش پەیڕەو کەردەن کە جە کۆشای ئێساڵیەنە بکریۆنە بە نموونە و هەمان شێوازی دژ بە دوژمنی بەکارباورمێنە.

"با کیاستێ سەربەوێ و بێلانێ بەیانێ و پەیجوری بکەرانێ" 

کاریلان باسش جە شێوازێ هێرشەکان پەی سەرو گارەی و کامپو دیلەکان کەردەن و ئاشکراش کەردەن: مومکین نییەن دیلەکێ بەساخی ڕزگارێ بکریانێ. چونکە دەیان جارێ کامپەکەشان بۆردومان کریان، دمایین جار کە شکست دریێ کیمیاویشان بەکاربەرد. پەی ئانەیە دیلەکێ بە ساخی دەربازێ بکریانێ، ڕژێم هیچ هەوڵێش نەڎا. بە پێچەوانەوە گرد جۆرە چەکێ دژشان بەکاربریا. ڕژێم نامابێ دیلەکانش بە ساخی بەرۆنەوە. بەڵکو ئاڎش کوشتێ و کەردێش قوربانیێ دەسەڵاتەکەیش. جە ویەردەنە؟تا؟بە ئارۆ ئێمە بە سەدان سەربازێ و پلەدارێ ئەرتەشو تورکیمان بەدیل گێرتێنێ. هیچ کات دیلمان نەکوشتەن. بە شێوازێ جیا جیێ دێنێماوە بە کەسوکاریشان. ڕژێم هەرگیز هەوڵش پەی ئازادکەردەی دیلەکان نەبییەن و هیچ کەس و لایێوش پەی ئی بابەتەیە نەکیاستەن و میانمانە میانجگەرێ هامۆشیەشان،کەردێنە، بەڵام هەرگیز باسشان جە دیلەکان نەکەردەن. دلێ وڵاتیەنە لایەنگەلێ مەدەنیێ چوون، کۆمەڵەو مافومرۆڤی- ئیهادە هەوڵو؟تەقەلاشان دا، بەڵام ڕژێمو (ئاکەپە-مەهەپە)ی ڕاشان چنە گێرتێ. ئێمە پەوەستێ حقوق و یاساکێ جەنگیەنمێ، پەی پارێزنای دیلەکان فیداکاری گەروەمان کەرد. ئێمە ئەوەکریێنمێ و جە ئێگەوە بانگەوازی مەکەمێ تا کیاستێ سەربەوێ و بێلانێ بەیانێ و سەبارەت بە کوشیای  و مەردەی دیلەکان، پەیجوری و ونەکۆڵای بکەرانێ. با بەیانێ تا فاشیزمو دەوڵەتو،تورکی بوینانێ.