رژێمی ئێران دوو کۆڵبەری شەهید کرد
دوێنێ دوو کۆڵبەر لە سەر سنوری شاری سەردەشتی ڕۆژهەڵاتی کوردستان لە ئەنجامی دەستڕێژی هێزەکانی ڕژێمی ئێران کەوتنە ناو چەمێکەوە و خنکان.
دوێنێ دوو کۆڵبەر لە سەر سنوری شاری سەردەشتی ڕۆژهەڵاتی کوردستان لە ئەنجامی دەستڕێژی هێزەکانی ڕژێمی ئێران کەوتنە ناو چەمێکەوە و خنکان.
بەپێی زانیاریانی کۆمەڵەی مافەکانی مرۆڤی کوردستان، دوێنێ دوو کۆڵبەر بە ناوەکانی ئەسکەندەر محەمەدی ٣٥ ساڵی نیشتەجێی گوندی بەستێی سەر بە هەرێمی پشدەری باشوری کوردستان و ئەبوبەکر محەمەدی ٣٦ ساڵ خەڵکی گوندی گۆڕەشیری سەر بە سەردەشتی رۆژهەڵاتی کوردستان، لە ئەنجامی گولەبارانی هێزەکانی ئێرانەوە کەوتنە ناو چەمیکەوە و خنکان.
تۆڕی مافەکانی مرۆڤی کوردستان ئاماژەی بەوەکرد، دوو کۆڵبەرەکە کاتێک لەنێوان گوندی بەستێی سەر بە هەرێمی پشدەری باشوری کوردستان و گوندی گۆڕەشیری سەر بە سەردەشتی رۆژهەڵاتی کوردستان تێدەپەڕین، کەوتونەتە کەمینی هێزەکانی ئێران. بەو هۆیەوە دوو کۆڵبەرەکە کەوتونەتە ناو چەمی قاسمەڕەش و خنکاون.
ف.ق