شاندەكەی باشوری کوردستان، كە پپێکهاتوە لە نووسەر، ڕۆشنبیر، چالاكوانانی مافی مرۆڤ، چالاکوانانی ژن و ڕۆژنامەنووسان ‌و ئەمڕۆ لە شاری سلێمانییەوە سەردانی شەنگالیان كرد، دوای کۆبوونەوەیان لەگەڵ بەڕێوەبەر و ئەندامانی خۆبەرێوبەریی شەنگال، سەردانی چادری بەرخۆدانیان کرد.

شاندەكە لە چادری بەرخۆدان كە ١٢٥ ڕۆژە لەبەردەم ئاسایشی ئێزدخاندایە لە شەنگال، لەلایەن چالاکوانانەوە پێشوازییان لێکرا ‌و پاشان، دکتۆر حەکیم بە ناوی شاندەکەوە، قسەی کرد و پشتیوانیی شاندەکەی بۆ خەڵکی شەنگال دەربڕی و وتی: چالاکییەکەی خەڵکی شەنگال، بە کردەوە بوە بە بەها و بەرخۆدان و سەرکەوتنی خەڵکی شەنگال.

خالید شەنگالی، بە ناوی ئاسایشی ئێزدخانەوە بەخێرهاتنی شاندەکەی کرد و سوپاسی خۆی بۆ سەردانەکەیان دەربڕی.

ف.ق