شیرین ئاکچای سەرەک جاشەکەی ناوچەی میدیاتی مێردین کە گەنجێکی بە ناوی مەزلۆم چەلیک کوشت و لە تۆڕە کۆمەڵایەتیەکاندا بە چەکەوە و لەگەڵ پاسەوانەکانی 'سوێندی وابەستەبوونی' خوارد لەگەڵ براکانیدا دەستگیرکرا.
دوێنێ لە گوندی مەسکەنی میدیاتی سەر بە مێردینی باکوری کوردستان سەرەک جاشێک بە ناوی شیرین ئاکچای و براکانی بە ناوی وەیسی و مەحسوم ئاکچای گەنجێکیان بە ناوی مەزلۆم چەلیک کوشت.
تەرمی چەلیک لەلایەن خانەوادەکەیەوە بەخاکسپێردرا. لە ڕاپۆرتی پزیشکی داد دا ئەوە خرایەڕۆ کە چەلیک بە گولە کوژراوە.
شیرین ئاکچای و براکانیشی دوای وەرگرتنی وتەکانیان، لەلایەن دادگای سزای سوڵحی میدیاتەوە بە تاوانی کوشتنی ئەنقەست ڕەوانەی زیندانکران.
سەرەک جاشەکە دوای ئەوەی کە مەزلۆم چەلیکی کوشتبوو، لە تۆڕە کۆمەڵایەتیەکاندا وێنەیەکی لەگەڵ ٣ کەسی چەکدار بڵاوکردەوە و سوێندی وابەستەبوونی بە دەوڵەتەوە خوارد.
ف.ق
