سوپای تورکی داگیرکەر ئاگری بەردایە دارستانەکانی چیای جودی
بەهۆی تۆپبارانی سەربازانی تورکەوە ئاگر بەربوویە دارستانەکانی چیای جودی لە پارێزگای شرنەخ.
بەهۆی تۆپبارانی سوپای تورکی داگیرکەرەوە ئاگر بەربوویە دارستانەکانی چیای جودی. حوسێن کاچماز پەرلەمانتاری هەدەپەى شرنەخ لەبارەی ئەو ئاگرکەوتنەوەیە لە ئەژماری خۆی لە میدیای دیجیتاڵیدا رایگەیاند، ئاگرەکە بەهۆی تۆپبارانی سوپای تورکەوە کەوتووەتەوە.
کاچماز رایگەیاندووە، "دوژمنایەتی بەرامبەر بە سروشت لە رۆژی جەژنیشدا بەردەوامە. لە ئەنجامی تۆپبارانکردنی چیای جودیدا ناوچە دارستانییەکانی ئەو چیایە ئاگریان تێبەربوو. تاوەکو ئێستا بۆ کوژاندنەوەى ئاگرەکە هیچ کارێک نەکراوە".
ژ.ت
