گەریلاکانی کوردستان لە هەڵمەتی شۆڕشگێڕیی جەنگی خابوور دا گورزی قورسیان لە سوپای تورکی داگیرکەر دەدەن. گەریلاکان بە ورەبەرزی و بە بەهێزی بەشداری چالاکییەکان دەبن و رایانگەیاند، "ئێمە بڕوامان بە هێزی خۆمان هەیە و تۆڵەى هاوڕێ شەهیدەکانمان لە دوژمن دەکەینەوە. ئێمە بە چالاکییەکانمان دوژمن تێکدەشکێنین".
گەریلاکان رێگا بە داگیرکەریی دەوڵەتی تورک نادەن و لە وتەکانیاندا باسیان لە سەرکەوتنەکانی تێکۆشانی پەکەکە کرد و رایانگەیاند، لەم شەڕەدا مێژوو دەنووسنەوە و لە دژی دوژمن سەرکەوتنی گەورە بە دەست دەهێنن.
دڵی هەر گەریلایەک وەک گڕکانێکە. بە چاو و دڵی خۆی دەدوێت. شەڕڤانانی کوردستان کاتێک پێدەکەنن و بزەیەک دەخەنە سەر لێوەکانیان خۆیان دەخەنە دڵی هەزاران مرۆڤەوە. گەریلاکان دەڵێن، "کات کاتی سەرکەوتنە" و وتیان، "ئێمە بە هێزی خۆمان شەڕێکی گەورە دەکەین و سەردەکەوین. حەماسەت و ورەمان زۆر بەرزە".
شەڕڤانانی ئازادی بە پێشەنگایەتیی یەژاستار بۆ بەدیهێنانی ئازادی لە دژی هێرشەکان گیانی خۆیان بەخت دەکەن. گەریلاکانی ئازادی لە دوا پەیامیاندا وتیان، "ئێمە شەڕڤانانی رێبەر ئاپۆ و پەکەکەین. ئێمە هێرشەکانی دەوڵەتی تورک تێکدەشکێنین و دوژمن ژێر دەخەین. تاوەکو گەریلاکانی ئازادیی کوردستان هەبن دەوڵەتی تورک ناتوانێت بە ئاسانی ئەم خاکە پیرۆزە داگیر بکات. تێکۆشانمان بە بێ راوەستان بەردەوامی دەبێت".
ژ.ت