هەپەگە یادی شەهیدانی حەفتانینی بەڕێزەوە کردەوە
هەپەگە یادی ٣ گەریلای کردەوە کە لە ساڵی ٢٠١٥دا لە حەفتانین شەهید بوون و وتی، "بەڵێنمان دووبارە دەکەینەوە کە تێکۆشانی شەهیدە قاڕەمانەکانمان بێگۆمان دەگاتە سەرکەوتن."
هەپەگە یادی ٣ گەریلای کردەوە کە لە ساڵی ٢٠١٥دا لە حەفتانین شەهید بوون و وتی، "بەڵێنمان دووبارە دەکەینەوە کە تێکۆشانی شەهیدە قاڕەمانەکانمان بێگۆمان دەگاتە سەرکەوتن."
ناوەندی راگەیاندن و چاپەمەنی هەپەگە لە راگەیەنراوێکدا یادی سێ شەهیدی کردەوە کە لە ساڵی ٢٠١٥دا لە حەفتانین شەهید بوون.
راگەیەنراوەکە بەم شێوەیەیە:
"دەوڵەتی قڕکەری تورک کە لە بەرانبەر راستی تێکۆشانی ئازادی کوردستان تێکچووە، بۆ ئەوەی تێکچوونەکەی بشارێتەوە و قەڕەبووی بکاتەوە لە ساڵی ٢٠١٥ەوە دەستی بە هێرشێک کردووە. سیستمی قڕکەر لە ڕێگەی ئەو هێرشانەوە دەیەوێت هیواکانی ئازادی گەکەلەمان لەناوببات و چۆک بە گەلەکەمان و تەڤگەرەکەمان دابدات. لە بەرانبەر هێرشەکانی دوژمندا، گەریلاکانی ئازادی کوردستان بە بەرپرسیاری مێژوویی بە بەرخۆدانی داستانی تێدەکۆشن. لەو قۆناغەی بەرخۆدانی مێژووییدا هاوڕێکانمان تێکۆشەر، دلبرین و رزگار بە قاڕەمانێتی شەریان کرد و شەهید بوون.
زانیاریەکان لەبارەی ناسنامەی شەهیدەکانمان بەم شێوەیەیە:
ناسناو: تێکۆشەر وان
ناو و پاشناو: فەرهاد ئوزومجوئۆغلۆ
شوێنی لەدایکبوون: وان
دایک و باوک؛ گولسوم و جەمیل
کات و شوێنی شەهیدبوون: ٢١ی ئابی ٢٠١٥ / حەفتانین
*
ناسناو: دلبرین جۆلەمێرگ
ناو و پاشناو: ئەرجان گولسەڤەن
شوێنی لەدایکبوون: جۆلەمێرگ
دایک و باوک؛ سونگول و رەمەزان
کات و شوێنی شەهیدبوون: ٢١ی ئابی ٢٠١٥ / حەفتانین
*
ناسناو: رزگار ئاگر
ناو و پاشناو: جونەید باران
شوێنی لەدایکبوون: ئاگری
دایک و باوک؛ کیافەت و مەولود
کات و شوێنی شەهیدبوون: ٢١ی ئابی ٢٠١٥ / حەفتانین
*****
هاوڕێ تێکۆشەر بوو بە فەرماندەیەکی نەمری حەفتانین
هاوڕێ دلبرین بوو بە گەریلایەکی نمونەیی
هاوڕێ ڕزگار پێوانەکانی پارتەکەمان کردە بناغەی ژیان
لە کۆتاییدا هەپەگە رایگەیاند، هاوڕێکانمان تێکۆشەر، دلبرین و رزگار لەدژی هەر جۆرە هێرشێکی دوژمن لەبەرانبەر مرۆڤایەتی، بۆ ئازادی وڵاتەکەمان کوردستان جەستەی خۆیان کردە قەڵغان و لەم رێگەیەدا شەهید بوون. سەرەتا سەرەخۆشی خۆمان ئاڕاستەی خانەوادەی هاوڕێ شەهیدەکانمان تێکۆشەر، دلبرین و رزگار و هەموو گەلی وڵاتپارێزی کوردستان دەکەین و بەڵێنمان دووبارە دەکەینەوە کە تێکۆشانی شەهیدە قاڕەمانەکانمان بێگۆمان دەگاتە سەرکەوتن."
ف.ق