فڕۆکە جەنگیەکانی دەوڵەتی داگیرکەری تورک، ٢٨ی کانونی یەکەمی ٢٠١١ لە ناوچەی قلەبانی شڕنەخ لە گوندی رۆبۆسکی ٣٤ گەنجی کوردیان کۆمەڵکوژ کرد کە ١٩ کەسیان منداڵ بوون.

خزم و کەسوکاری قوربانیان لە رۆژی جەژندا سەردانی گۆڕی ڕۆڵەکانیان کرد.

فەرهاد ئەنجو ئەندامی دەستەی بەڕێوەبەری ناوەندی هەدەپە لە گۆڕستانەکەی رۆبۆسکی قسەی کرد و وتی، "بەیانیەکی دیکەی جەژنە و دایکانی رۆۆبۆسکی لەسەر گۆڕی رۆڵەکانیان دەگرین."

لە ناوچەی گەڤەڕی جۆلەمێرگیش رێکخستنی هەدەپە سەردانی گۆڕستانی کرد لە گەڕەکی ئۆرمان و باژێرگە.

سەعید دەدە پەرلەمانتاری هەدەپەی جۆلەمێرگ، بەڕێوەبەرانی پارتەکە، ئەندامانی دایکانی ئاشتی و خانەوادەکان بەشداریان کرد.

لە سەردانەکەدا سەرەتا سەردانی گۆڕی سولەیمان ئاسو کرا کە لەگەڵ ٣٣ هاوڕێی خۆی لە پرسوس لە هێرشێکدا کوژران.

سەعید دەدە پەرلەمانتاری هەدەپە لەوێ رایگەیاند، ٦ ساڵ بەسەر کۆمەڵکوژی پرسوس تێپەڕی، بەڵام تاوەکو ئێستا کەس دادگایی نەکراوە.

سەعید دەدە باسی ئەوەی کرد، کێ ئەو کۆمەڵکوژیەی ئەنجامدابێت، پێویستە بزانێت نەک ٦ ساڵ ٦٠٠ ساڵی دیکەش حسابی لێدەپرسینەوە.

ف.ق