خزم و پارێزەرانی ئیبراهیم خەلیل یڵدز پەرلەمانتاری ئاکەپە لە روحا، لە ١٤ی حوزەیرانی ٢٠١٨دا لە ناوچەی پرسوسی روحا هێرشیان کردە سەر خانەوادەی شەنیاشار. لە هێرشەکەدا هاوسەری ئەمینە شەنیاشار و دوو کوڕی کوژران. ئەمینە شەنیاشار و کوڕەکەی فەرید شەنیاشار لە ٩ی ئازاری ٢٠٢١دا لەبەردەم باڵەخانەی دادگای روحا دەستیان بە چالاکی ئیشکگرتی دادپەروەری کرد. چالاکیەکەی خانەوادەی شەنیاشار ٧٣١ رۆژە بەردەوامە.

خانەوادەی شەنیاشار مانگی رەمەزانی ئەمساڵیان لەبەردەم دادگای روحا پێشوازی کرد. دایە ئەمینە شەنیاشار و کوڕەکەی فەرید شەنیاشار تاوەکو کاتی بەربانگ لەبەردەم باڵەخانەی دادگای روحا چالاکیان ئەنجامدا و بە هاتنی ئێوارە بەربانگیان لەبەردەم دادگا کردەوە.

ف.ق