ئەمڕۆ لە ٤٢ ناوەندی شار و شاروچکەکانی باکوری کوردستان و تورکیا نەورۆز پیرۆز کرا. لە ئامەد گەورەترین ئاهەنگ ئەنجامدرا بە دروشمی ' هەموو شوێنێک نەورۆز، هەموو کاتێک ئازادی'.

بەگوێرەی زانیاریەکان زیاتر لە ٣٥٠ کەس دوای ئاهەنگی نەورۆزی ئامەد دەستگیرکران. باسی ئەوە دەکرێت کە ٥٠ کەسیان منداڵن و پارێزەر محەمەد ئۆنەریش لەنێو دەستگیرکراوەکاندایە.

سەرچاوەکان دەڵێن، منداڵان بۆ زیندانی منداڵانی ئامەد و هاوڵاتیانی دیکەش بۆ بەڕێوەبەرایەتی پۆلیسی فارقین براون.

پارێزەران لەم بارەیەوە رایانگەیاند، دەست بە کاروباری وەرگرتنی وتەکان کراوە.

ف.ق