ئەندامانی کۆمیتەی چالاکی و ڕۆشنبیری و هونەری باقی خدۆ بۆ پیرۆزکردنی جەژنی نەورۆز لە ٢١ی ئازاردا لە گردی مشتەنوری کۆبانێ، بەناو شارەکەدا گەشتیان کرد و بە خوێندنەوەی ڕاگەیاندراوێک داوای داوای بەشداربوونیان لە هەموان کرد.

راگەیەندراوەکە لەلایەن سوعاد خەلیل ئەندامی بەڕێوەبەریی ئەکادیمیای شەهید ڤیان ئامارا خوێندرایەوە و تیادا هاتبوو: "نەورۆز بۆ گەلەکەمان بەرخودانە لە بەرامبەر زوڵم و زۆرداری. نەورۆزی نیشانە و بەرجەستەکردنی ژیانیی نوێیە".

لە ڕاگەیەندراوەکەدا ئاماژە بە هەوڵەکانی قڕکردن و پاکتاوکردنی گەلی کورد کراوە و ئەوەشی تیادا هاتووە: "بە هەنگاوی تەڤگەری ئازادی و فکر و فەلسەفەی ڕێبەر ئاپۆ، گەل لەسەر پێ مایەوە و بە بەرخۆدانی بێوێنەوە لە دژی پاکتاوکردن و بندەستی وەستایەوە. بە ڕەنگی بەهار و سەرلەنوێ ژیانەوەن ٥٠ نەوۆرز یەک لە دوای یەک پیرۆز دەکرێن. گەلی کورد لە سایەی تەڤگەری ئازادییەوە ڕێگای خۆی ناسیوە و لە پێناو ئەو ڕێگایەدا تێدەکۆشێت و شەڕی بۆ دەکات".

لە بەیاننامەکەدا جەژنی نەورۆز لە گەلانی باکوور و ڕۆژهەڵاتی سووریا، هەموو جیهان، لە دەزگا و ڕێکخراوەکان و بەتایبەتی کەسوکاری شەهیدان و ڕێبەری گەلی کورد عەبدوڵا ئۆجالان پیرۆزکراوە.

لە کۆتایی ڕاگەیاندراوەکەدا داوای بەشداریکردنی هەموان لە ئاهەنگی ٢١ی ئازار لە گردی مشتەنوردا کرا.

ژ.ت