عەفرین، شەهبا، تل تەمر و منبج بە چڕی بۆردومان کران
دەوڵەتی تورکی داگیرکەر جارێکیتر بۆردومان گوندەکانی منبج، و تل تەمری کرد. لەماوەی ٢٤ کاتژمێری رابردوودا بەسەدان جار بۆردومانی کانتۆنی شەهبا و عەفرینیشی کرد.
دەوڵەتی تورکی داگیرکەر لە ١٩ی تشرینی دووەم بەدواوە هێرشێکی قورس دەکاتە سەر باکور و رۆژهەڵاتی سوریا.
بەکاتی هەرێمەکە کاتژمێر ١١:٢٠ گوندەکانی جات و ماسی سەر بە منبج بە کاتیوشا بۆردومان کران.
لە هەمان هەرێم هەروەها فڕۆکەی سیخوڕی سوڕانەوە.
بەکاتی هەرێمەکە کاتژمێر ١٠:٣٠ گوندی گۆزەلیەی تل تەمر بە هاوەن و تۆپ بۆردومان کران.
داگیرکەران لەماوەی ٢٤ کاتژمێری رابردوودا هێرشێکی دژواریان کردە سەر شەهبا و عەفرین.
ناوچەکانی شەرا و شێراوای عەفرین هەروەها گوندەکانی سەر بە شەهبا تا بەرەبەیانی ٥٤٥ جار بە تانک و کاتیوشا بۆردومان کران. لە کاتی بۆردومانەکەدا ژمارەیەکی زۆر فڕۆکەی شەڕ بە سەر ئەو ناوچەیەدا سوڕانەوە.
بە گوێرەی زانیارییەکان گوندەکانی شێراوا، مەرەناز، ئاڵقەمیە، تاتمەرەش، مالکیە، مەرەناز و تنبی شەرا بۆردومان کراون.
لە تنب لە هێرشێکدا سەربازێکی دیمەش ژیانی لەدەستدا.
لە شێراوا گوندەکانی مەیاسە، بێنێ، هرشێ سۆخانکێ، عاقیبێ، بەڤبار عاقیبێ و زیارەت تا سەرلەبەیانی بۆردومان کران.
لە هەرێمی شەهباش گوندەکانی زیوان، خربەت ئەل شەعالە، عەین دەقنە، بێلونیە، شێخ عیسا، وەردیە و تل ماقید بۆردومان کران.
هـ . ب
