ناوەندی راگەیاندنی هێزەکانی سوریای دیموکراتیک (قەسەدە) دەربارەی دوایین دۆخی ئۆپەراسیۆنی دژ بە چەتەکانی داعش، کە هێرشیان کردبووە سەر زیندانی حەسەکە ڕاگەیەندراوێکی بڵاوکردەوە.

راگەیەندراوەکەی قەسەدە:

"لە ٣ ڕۆژی ڕابردوودا هێرشی پلان بۆ دانراو و رێکخستنکراوی چەتەکانی داعش بۆ سەر زیندانی غوێران، گەورەترین بەربەست بۆ هێزەکانمان منداڵانی 'ئەشبال خەلافە' بووە، کە چەتەکانی داعش وەک قەڵغان بەکاریان دەهێنن.

 ژمارەیان ٧٠٠ منداڵە. ئەوان لە خانە و شانەى جیاوازدا بوون بۆ ئەوەی سەرلەنوێ پەروەردە و مەشق و راهێنانیان پێ بکرێت. هەرچییەک بەسەر ئەو منداڵانەدا بێت داعش لێ بەرپرسیارە.

ئیمە داوا لە نەتەوە یەکگرتووەکان و کۆمیتەی خاچی سووری نێونەتەوەیی دەکەین، کە دەستوەردان لە دۆخەکەدا بکەن بۆ ئەوەی منداڵان لە هێرشەکانی داعشدا بەکارنەهێنرێن و ڕادەستی هێزە ئەمنییەکانیان بکەن".

ژ.ت