یەپەگە: لە عەفرین ٣ چەتە کوژران

ناوەندی ڕاگەیاندنی یەکینەکانى پارستنى گەل- یەپەگە، ڕایگەیاند هێزەکانیان چالاکییەکیان لە ناوەندی شاری عەفرین لە دژی چەتەکانی سوپای تورکیای داگیر کەر ئەنجامداوە، کە لە ئەنجامدا ٣ چەتە کوژران.

ناوەندی ڕاگەیاندنی هێزەکانی پاراستنی گەل- یەپەگە، لە سەر چالاکی هێزەکانی لە عەفرین ڕاگەیەندراوێکی بڵاو کردەو و تێدا هاتووە: لە چوارچێوەی هەنگاوی دووەمی بەرخۆدانی سەردەم لە عەفرین هێزەکانی یەپەگە، چالاکییە کاریگەرەکانیا لە دژی سوپای داگیرکەری تورکیا و چەتەکانیان بەردەوام دەکەن.

لە ڕاگەیەندراوەکەى یەپەگە دا هاتووە: "ڕۆژی ١٩ی تەشرینی دوویەم/٢٨ی خەزەلوەر، یەکینەکانمان لە ناوەندی شاری عەفرین لە بەرامبەر ناوەندێکی گروپە چەتەکان بە ناوی "پۆلیسەکانی سەربازی" کاردەکەن، چالاکییەکی ئەنجامدا. لە ئەنجامی ئەو چالاکییە ٣ چەتە کوژراون و ٦ی دیکە بە سەختی بریندار بوون".