جە عەفرین جەنگ سەختەن و ٥ سەربازێ تورکیای کوشیێ

جە ٦۱مین ڕۆو مدرامانی، جە شێراوا عەفرینی جەنگ سەختەن دوژمن کوشتێ و بریندارێ فرێش هەنێ و کوشیای ٥ سەربازاش پەشتڕاس کریانەۋە.

 

ئارۆ جە یەکەم ڕۆ سەرو ساڵێ کوردی، سەرچەمێۋ جە یەکینەکا پارێزنا گەلی-یەپەگەی، بە فوڕات نیوزی وات: " جە كیمار-ی سه‌ر به‌ ناوچه‌و شێراوا-یی، شەڕڤانەکێشا دژو هێزە داگیرکەرەکا تورکیای چالاکیشان ئەنجام دان و جە ئاکامشەنە ماشینێۋی سەربازی پەڕ جە چەک و تەقەمەن دوژمنیشا تەقنانەۋە و سەرجەم سەرنشینەکێش کوشیێنێ کە ٥ سه‌ربازێ تورکیای بیێنێ.

سەرچەمەکە ئاشکراش کەردەن:" جە دێهاتەکا،'كیمارێ، به‌رادێ و به‌یێ'و ناوچەکەی جەنگی سەخت قومیان و جەنگەکە تا ئیسێچ درێژە هەن و دوژمن کوشتێ و بریندارێ فرێش هەنێ، بەڵام چا بارەۋە ئامارێۋی تەمام دەس نەکۆتەن".
 
سەرچەمەکەو یەپەگەی، واتەنیچش: " دوژمن بە قورسی دێهاتەکێ شێراواش تۆپۋارانێ کەردێنێ و جە دەگاو بایێی چەند هاموڵاتیێۋ شەهیدێ و بریندارێ بینێ".