چالاکیی خەیمەورڎای پەی ئازادیی ڕابەروو گەلوو کوردی مەخموور-نە درێژەش هەن

چالاکیی خەیمەورڎای پەی ئازادیی ڕابەروو گەلوو کورڎۍ "عەبدوڵا ئۊجالان" کەمپوو پەنابەراو گەشمەرڎە "ڕۊستەم جودی"ی مەخموور-ینە درێژەش هەن.

چالاکیی خەیمەورڎای کەمپوو پەنابەراو گەشمەرڎە ڕوستەم جودی (مەخموور)نە بە سەرمەشقیی جمیەروو ژەنە گەنجاو مەخمووری (تەژەجەمە) جە ١١و ئازاریوە پەی ئازادیی جەسەیی ڕابەروو گەلوو کوردی "عەبدوڵا ئۊجالان" دەسش پەنە کەرد و چالاکییەکە درێژەش هەن.

چالاکیی ئی حەفتەیە خەیمەورڎای جە بەشوو گەشمەرڎە خەباتێنە ملۊ ڕاوە. چالاکییەکە بە دەیەقێوە ڕێزگێرتەی جە گردوو گەشمەرڎا تەڤگەروو ئازادیی دەسش پەنە کەرد.

دماو ڕێزگرتەی، فلیمێوە بارەو کۊشیای ڕابەر ئۊجالانیوە نیشانە دریا. فلیمەکە بە دروشمەکاو "بژیوۊ سەرۊک ئاپۊ"، "بۍ سەرۊکی ژیوای مەبۊ" و "بژیوۊ مدرامانوو گەریلای" دماییش ئاما.

س.ز