دەیان کەسایەتیێ هەورامانی داواو پەروەردەی و وانای بەزوانی هۆرامی-شان کەرد

دەیان نویسەرێ، ڕۆشنویرێ، کەسایەتیێ ئەدەبیێ و چالاکوانێ هەورامانی داواو پەروەردەی و وانای بە زوانی هۆرامی-شان کەرد.

جە بەیاننامێوەنە دەیان نویسەرێ و ڕۆشنویرێ و کەسایەتیێ ئەدەبیێ و چالاکوانێ هەورامانی داواو پەروەردە بەزوانی هۆرامیشان کەرد و وازیارێنێ؛ وانای بە زوانی ئەڎایی چوون پنەوازیێ تەماشە بکریۆنە. 

دەقو بەیاننامەکەی بە ئی جۆرەنە:

بەیانیەو بەشێو جە نویسەرا، کەسایەتیە فەرهەنگی و ئەدەبیەکا و چالاکە کۆمەڵایەتیەکاو ھەورامانی سەبارەت بە زەروورەتوو پەروەردە و وانای بە زوانی ئەدٚایی جە وانگایەکانە.

[زوانی ئەدٚایی دڵوو ئێحساس و ئەندیشەیا. کەسێو چنی زوانی ئەدٚایی ململانێ کەرۆ، چنی قووڵتەرین لایەنی ڕۆحی بەشەری دژمەنی کەرۆ. ئەوپەڕش وێش هۆرمڕیۆ]         (هایدگر).

هەورامان جە وینگاو خەلقوو ئەندیشەی و ویەرینوو نویستەیوه، مەحاڵێوی بنەمادار و دێرینا و دەسەڵاتی فەرهەنگی و زوانیش وەرچەم و دیارا. ئوستوورەو پیرشالیاری، زوانی ئایینی یارسانی و  قووڵایی سیاوچەمانەی و هەزاران بەڵگێ تارێخیێ‌تەرێ، حەکایەت جە دەوڵەمەندی و دەسەڵاتداری ئی فەرهەنگ و زوانە ڕێخەدارەیه کەرا. ئەقڵیەت و ئاوەزوو ڕۆی بە وینگایوی دێمۆکڕاسیانە و پلۆڕالیزمانە، بە پشتیوانی جە پازڵوو فرەدەنگی و فرەڕەنگی، هاوار کەرۆ کە گرد زوانێو پەیش هەن وانگانە بوانیۆ. 

زوانی هەورامی داراو ڕازوانی تایبەت به وێش و ساختارێ داعیەدارێ و بەرزێ زوانین کە خاڵاتوو ڕووسووری و سەربەرزی و فەخریش پێشکەش بە هازەو زوانەوانی  کوردەواری  و بەشەریەتی جە قۆناغێوی تارێخیەنە کەردەن. پەوکای پەراوێز وستەیش و بێ موبالاتی سەبارەت پی زوانەیە جە لاو هەر کەس و لایەنێوەوه بۆ، خەسارێوی گەورەن و زەرەرێوی ئێنسانی، زانستی و تارێخین. بەهادای بە هەر کام جه زوانە کوردیەکا، ڕۆخساروو نەتەوەی پوویاتەر و هێقم‌تەر کەرۆ و نیشاندەروو وەرپرسیاری گردوو مووزاییکە فەرهەنگیەکا  به پاو ئەویتەر مووزاییکەکا کەرۆ و زامنوو نەقڵیشیایی مارۆ وەرەوە.

بە حوکموو ئینەی هەر تاکێو جه کۆمەڵگای بە زوانی ئەدٚایی وێش بوانۆ، داراو ئاوەزێوی دەوڵەمەندی و ویرێوی گەشیا و ترۆقی فرەتەر پەی وەڵاتەکەیش مسۆگەر کەرۆ. چی ڕاساوه، ئێمە پێسەو بەشێو جە نویسەرا، کەسایەتیە فەرهەنگی و ئەدەبیەکا و چالاکە کۆمەڵایەتیەکاو ھەورامانی، بە فام کەردەی و ئەنەیاوای ڕۆڵوو زوانی ئەدٚایی سەروو برەوی فەرهەنگی و گەشەی زانستی زاڕۆڵەی و ھامدیار سەروو پەروەرنای کەسایەتیەوە، وانای بە زوانی ئەدٚایی لازم مزانمێ و داواکاری وێما پەی پڕاکتیزە کەردەیش جە سیستموو پەروەردەیەنە بەرز کەرمێوە. 


نامێ کەسایەتیێ و نویسەرێ نامدیارێ ھەورامانی کە بەیاننامەکەشان ئیمزا کەردەن:


1. کوورش ئەمینی
2. سابیر عەزیزی
3. هەورامان ڕوستەمی
4. ئێبراهیم شەمس
5. عەبدۆڵڵا حەبیبی
6. فەتحوڵڵا ڕەزایی
7. ڕەئووف مەحموودپوور
8. ڕەحیم ڕەحمانی
9. سەعدی غەریبی
10. فەرشید ڕوستەمی
11. مەهوەش درۆستکار
12. سەبوور سەعیدیان
13. جەواد حەمزە
14. بێهروز موحەممەدپوور
15. حەمەسەلیم هەجیجی
16. ئەرسەلان ئەردەڵان
17. کیان جەهانی
18. شیلان کەریمی
19. مۆمن نووری
20. مۆمن یەزدانبەخش
21. هادی سپەنجی
22. عەدنان مورادی
23. فەتحوڵڵا نەجەفی
24. ڕەحمان مەحموودی
25. کەیوان موساعێد
26. فاتێح ڕەحیمی
27. یاسر ڕەشیدی
28. ئێسماعیل مەحموودی
29. مودەڕێس سەعیدی
30. بورهان ئەختەر
31. ساڵح ڕەسووڵی
32. حسەین کەریمی
33. شەیدا باسامی
34. عادڵ موحەممەدپوور
35. ژوان ڕەحیمی
36. هومایۆن موحەممەنژاد
37. پەرویز بابایی
38. ئەسعەد لایی
39. نەرمین گیوەچی
40. شادی سەعدۆڵڵایی
41. حسەین وەفایی
42. شەهللا فەتحی
43. بنیامین عەباسی
54. ناسر ئەحمەدی‌پوور
45. سەفوەت ئەمیری
46. سورەیا خدری
47. ئومید حەبیبی
48. حەمەزەمان مورادی
49. عەباس ڕەشیدی
50. موحەممەدخالێد قانێع
51. کوورش یۆسفی
52. قەیۆم دانشوەر
53. جەماڵ قادرپوور
54. حێکمەت موحەممەدی
55. ئێرشاد ئەزەغ
56. سەلمان ڕەحمانی
57. سیروان خالدی
58. سروە عەزیزی
59. عەداڵەت کەریمی
60. فەیسەڵ هێدایەتی
61. ڕۆجیار کاشفی
62. سەیاد لایی
63. کەیوان بارامی
64. ئازاد ڕەحیمی
65. ئاوێنە ئەحمەدی
66. فاتێح سەعیدی
67. هاشم حێسامی
68. ڕەحیم غوڵام وەیسی
69.وەلی کاکەیی
70. نایب مێنبەری
71. حسەن گۆران
72.مەهدی شەهابی
73. حەمەی هێمەتیار
74. هۆما ڕەشیدی
75. هیوا عەلیڕەمایی
76. ڕەنگین کەریمی
77. عەباس غەریبی
78.زانکۆ شەریفی
79. حەمەشەریف نوری
80. کوورش شیانی
81. خالد پرابی
82. ئێرشاد ئەتابەک
83. ئەمین ڕەحیم زادە
84. حسەین خورا
85. فەرەیدوون ڕەشیدی
86. نەعمەت زەحمەتکێش
87. فەرید عەباسی
88. کامبیز ئەحمەدی زاد
89. لهۆن ئەحمەدی پوور
90. مەنووچێهرتۆفێقی