هەمامەو میاندەوڵەتی هەورامانی ئەنجام مڎریۆنە

جە زانستگاو کوردستان-و سنە-یەنە بە هامکاری زانستگایەکێ هەڵەبجە-ی و ڕازی کرماشانی هەمامەو میاندەوڵەتی هەورامانی ئەنجام مڎریۆنە.

زانستگاو کوردستان-و پارێزگاو سنە-ی ئاشکراش کەرد، جە زانستگاکەشانە هەمامەو میاندەوڵەتی هەورامانی ئەنجام مڎریۆنە.
هەمامەکە بە هامکاری بەشداری زانستگایەکێ پارێزگاو هەڵەبجە-ی و ڕازی پارێزگاو کرماشانی جە ڕێککەوتو مانگەو ئابانو ١٤٠١ کۆچ و  ٢٢/٠١/٢٠٢٢ی ڕێکبوزیۆنە.
جە ئی چوارچوەنە هیزی یەکشەممە، بەشداری سەرۆکێ و ئەندامێ زانستگایەکێ کوردستانی، هەڵەبجەی و ڕازی کرماشانی و چەنڎ لایەنێ پەیوەندیدارێ تەرێ کۆبییەی ئەنجامدریا و بابەتەکە بە ڕەسمی وزیاڕووە.
جە کۆبیەکەنە مەهاباد کامیل عەبدوڵا تەوێڵەییە، سەرۆکەو زانستاو هەڵەبجەی کە بە ئۆنلاین بەشدارە  بیێ بێ، ڕەحمەت سادقی، سەرۆکو زانستگاو کوردستانی، چەنڎین پارلەمانتارێ ئێرانی کە بە ئۆنلاین بەشدارێ بێنێ و چەنڎین کەسێ تەرێ قسێشان سەرو بابەتەکەی و گرنگی هەورامانی و پارێزنایش و وەڵێ وستەیش کەردێ.
جە کۆبیەکەنە ئانە وزیا ڕووە کە هەمامەو میاندەوڵەتی هەورامانی فرە ڕەهەندەن و چەنڎین بابەتێ و سەردێڕێ گرنگی جەوێش بگێرۆنە چوون:
میراسی فەرهەنگی و سروشتی
دێرینە شناسی
جۆراوجۆری ئیکۆلۆژی و ژیوگەی
مەردوم شناسی
جوگرافیایی ئینسانیی
هونەر و موزیک و گۆرانیێ
بیناسازی و شێوازو نیشتەجابییەی
ژەنی
ژیوای کۆمەڵایەتی و ئابوریی
دین و ئایین و مەڕاسیمە ئاینیەکێ
زانستی ناوچەیی (بومی)
گەشتوگێڵ و توریسم
پیشەسازی هەرێمی و پیشە دەستیەکێ

جە کۆبیەکەنە داوا کریا جە ئا کەسا کە وازیارێ بەشدارییەنە جە هەمامەکەنە بابەتەکانشان بکیانانێ پەی زانستگاو کوردستانی و پەی ئانەیچە تا ١٩و فەروەردینو ١٤٠١ی کۆچی وەختشان پەی کیانای باباەتەکانشان هەن.
جە ٢٧و فەروەردینیەنە بابەتە هۆروچنیێ و پەسەندکریێکێ پەی ڕاو گردینی ئاشکرێ بکریانێ. دەرنجام جە ڕێککەوتو مانگەو ئابانو ١٤٠١ کۆچ و  ٢٢/٠١/٢٠٢٢ی ئەنجام بدریۆنە.