جە نۆسوڎە هەزار و سەڎ نەمامێ نریێ

جە نۆسوڎە، ئەنجومەنو (سەرو سەوزو داڵەهۆی)، هەزار و سەڎ نەمامێش نیێ.

جە شارەکڵەو نەوسوڎۍ، جە چالاکیێوی ژیوگەیی و سەرسەوزکەردەیەنە ئەنجومەنو (سەرو سەوزو داڵەهۆی)، هەزار و سەڎ نەمامێ جۆربەجۆرێش نیێ.
نەمامەکێ پێکئاوێبێنۍ جە ڤامی تاڵۍ و شیرێنۍ، مرڤەی کۋیلە و تایلێ. نەمامەکێ بەشداری  ئەندامانو ئەنجومەنەکەی و هامکاری هاموڵاتیێ نەوسوڎێ جە شۆنە جیا جیاکانو دەوروبەرو شارەکڵەیەنە نریێ.

خەڵکو نەوسوڎێ سپاسگوزاری وێشان پەی ئەندامانو ئەنجومەنو (سەرو سەوزو داڵەهۆی) نیشانەدا و دەستوەشیشان ونە کەردێ کە ئینێ جە غەمو ژیوگەی و سەوزکەردەی شارەکڵەکەیشانە و هیواو سەرکەوتەیشان پەی وازێ.