کۊبېەېۊ ېەنەکە و پەدەکەی دماېش پنە ئاماو ڕێککۊتۍ جە ۋەختێوە نزېکەنە کۊباۋە
دماو دماېی پنە ئاماو کۊبېۊکەېشا ېەنەکەو پەدەکە ئەرەېاۋناشا ؛ کە ھەردوۍ لا ڕێکۍ کۊتێنۍ جە دەرفەتێۋە نزېکەنە کۊبېۊێۋە تەر جە مابەېن و ھەردوە شانڎەکەېنە ئەنجام بڎرېۊ .
ئارۊ ، جە بارەگاو مەکتەب سېاسی ېەنەکەی جە سلێمانی ، شانڎو پەدەکەی و ېەنەکەی کۊبېێۋە ، دماو چن سەعاتۍ جە کۊبېۊکەېشا ، کەمۍ چێۋەڵتەر کۊبېۊکەېشا دماېش پنە ئاما و
ئەرەېاونێۋەشا ۋەڵا کەرڎۊ ''.
جە ئەرەېاۋناکەنە ئامان : بە مەبەس و گفتوکۊکەرڎەی سەرو کۊو ئا مژارا کە پەېۋەسێنۍ بە ئاژەو سېاسی ھەرێمو کورڎشانی و فاڕاېۊ ڕاو پێشنېارەکاو ھەڵۋێس سەرو چنڎېن مژارۍ گرنگی ، شانڎو باڵاو ھەردووە مەکتەب سېاسی پارتی و ېەکێتی جە بارەگاو مەکتەب سېاسی ېەکێتی جە سلێمانی ئارۊ کۊبېێۋە .
پێسە جە ئەرەېاۋناکەنە ئاماژەش پنە درېان ، ئاژەو گرڎی و ھامکێشە دلێېەکۍ و ناوچەېېەکۍ ڕاو سەرنجەو تێبېنی ھەرڎوی لای سەرو مژارە جېاجېاکاو پەېۋەس بە ڕێککۊتەو ۋەڵتەرو ھەردوی لای ، جە کۊبېۊکەنە وزېا ڕوۋە .
جە دماېنە باس چانەی کرېا کە ھەردوی لا " ېەنەکە و پەدەکە " ڕێکۍ کۊتێنۍ جە دەرفەتێۋە نزېکەنە کۊبېۊێ تەر مابەېن و ھەرڎوە شانڎېنە ئەنجام درېۊ .
ھ.ئ
