کیٛشتەی: کیٛشتەی، کیٛشای، کیٛشنای، کیٛشیای

کیٛشتەی: کیٛشتەی، کیٛشای، کیٛشنای، کیٛشیای، بەکاربەردەیشان دلێ زوانو گوٙران-هەورامانییەنە.

جە خەزینەی دوڵەمەندو زوانو گوٙران-هەورامانیوە:
کیٛشتەی: کیٛشتەی، کیٛشای، کیٛشنای، کیٛشیای: کیٛشتەی چەمەی بنەڕەت ویەردەن، کیٛشای چەمەی بنەڕەت نەویەردەن،کیٛشنای چەمەی ویەرەن، کیٛشیای چەمەی نادیارەن: پەنەکیٛشتەی، کیٛشتەی پەنە: کوڵەکەش پەنەکیٛشت، ماشینەکەش پەنە کیٛشت. هوٙرکیٛشتەی، ئەوەکیٛشتەی، پۆکیٛشتەی. ئەرەکیٛشتەی، کیٛشتەیرە: قاچ کیٛشتەیرە. لنگیٛش کیٛشتیٛنێرە. پوٙرەکیٛشتەی،کیٛشتەی پوٙرە: فڵقەدەمیێوەشان کیٛشت پوٙرە. ئەوەکیٛشتەی، کیٛشتەیۆ، کیٛشتەیەو،کیٛشتەیوە: دەس ئەوەکیٛشتەی جە هەرمانکەرڎەی، پەنەئەوەکیٛشتەی. هوٙرکیٛشتەی، هوٙرئەوەکیٛشتەی، هورکیٛشتەیوە، هورکیٛشتەیۆ، هوٙرکیٛشتەیەو. واگژە درختەکەش هوٙرکیٛشت،  ئاوەو دلیٛ بیرەکیٛ هوربکیٛشە سەر، هەناسیٛوی سەردش هورکیٛشت، چنارەکەی هوٙرکیٛشای کیٛشوٙ. چەنەکیٛشتەی، کیٛشتەی چەنە: قسیٛش چەنەکیٛشاوە، پەی قسیٛ چەنەکیٛشتەی ئازان. دەسش چەنەکیٛشتۆ. کیٛشتەیراوە: قاچیٛش کیٛشتیٛراوە. کیٛشتەیناوە: گونجەنەکەش کیٛشتەناوە. ڕیٛککیٛشتەی: هیٛڵەکیٛ ڕیٛک بکیٛشە، ڕیٛک کیٛشیان. کیٛشیای هەسارەی ماناو ئانەین گەورێوە مەمروٙ. ویٛش کیٛشتۆ مانای ئیدیەمەش هەن یانی کابرا مەرد، وەلێم ویٛکیٛشتەی یانی کاتێ سڕمەبەی ویٛت کیٛشینە پەی ئانەی سڕیت بەربشوٙ. کیٛشتەی مەکیٛشوٙ، کیٛشای مەکیٛشوٙ، کیٛشیای کیٛشیوٙ، کیٛشت قەڎو چەمەین، کیٛشتە یاورنامیٛ بکەرینە، کیٛش ڕیٛخەو چەمەین، کیٛشە نامیٛ چەمەینە، کیٛشەو خەرمانی، قڕەو شومی نەک کیٛشەو خەرمانی، کیٛشە یانی گرفت و گیروڎەی. جە بنەڕەتنە چەمە زوانو گوران-هەورامینە ئەپیٛە چوار بیچمیٛش هەنیٛ، بڕێشانە کەمش ئاردەن و بەکارناومان پەوکای ئەرەجیوٙما دویٛ تەشکیٛ یام یەک بیچمشا مەنەن.

نۋیسەر/ د. ناجح گوڵپی