لەئەستەنبوڵ و کۆجائەلی ئەندامانی هەدەپە دەستگیرکران

پۆلیسی تورک لە ئەستەنبوڵ و کۆجائەلی هەڵیکوتایە سەر ژمارەیەک ماڵ و ژمارەیەکی زۆر لە ئەندامانی هەدەپە دەستگیرکران.

ئۆپەڕاسیۆنەکە لە چوارچێوەی لێپرسینەوەی داواکاری کۆماری کۆجائەلی ئەنجامدراوە.

سەرلەبەیانی ئەمڕۆ پۆلیسی تورک هەڵیکوتایە سەر ژمارەیەک ماڵی ئەندامانی هەدەپە لە شار و ناوچەکانی کۆجائەلی.

لە ئەنجامدا، ئەرکان شیک، قادر دەمیر، مەندەرەس یڵدز، دەنیز ئاتاڵای، قادر داشدەمیر، ئەڕۆڵ ئادا و سەیاد کایا ئەندام و بەڕێوەبەرانی هەدەپە دەستگیرکران.

لە ئەستەنبوڵیش لە هەمان چوارچێوەیەدا پۆلیس هەڵیکوتایە سەر ژمارەیەک ماڵ. لە کارتاڵ، توزلا و سوڵتانبەیلی، شێخموس ئیشیک، دەنیز سەرحەد  و جیهان کاڤچین ئەندامانی هەدەپە دەستگیرکران.

ف.ق