مەزڵوم عەبدی داواش جە جوانا کەرڎ کە بەشڎارۍ ڕیزەکاو قەسەدەی با

فەرمانڎەو گرڎیی ھێزەکا سوریای دیموکرات- قەسەدەی ئەرەیاۋناش:" ئا ٩ ھەڤاڵێما کە جە پانېشتوو کورڎسانی گەشمەرڎۍ بیۍ، دەورۍ گۊرەشا ۋینان جە ۋەرەن ڕوو بیەیۊ تیرۊریەنە.

فەرمانڎەو گرڎیی ھێزەکا سوریای دیموکرات- قەسەدەی ئەرەیاۋناش:" ئا ٩ ھەڤاڵێما کە جە پانېشتوو کورڎسانی گەشمەرڎۍ بیۍ، دەورۍ گۊرەشا ۋینان جە ۋەرەن ڕوو بیەیۊ تیرۊریەنە، داواش جە جوۋانا سەرنېشتوو ۋەرکەوتوو سوریای کەرڎ، پۍ پارێزناو دەسکۊتەکاو ئاخێزو ۋەرنېشتوو کورڎسانی بەشڎارۍ ھێزەکاو قەسەدەی با.

ئارۊ مەراسیمو ڕاییکەرڎەی ئا ٩ شەڕڤانەینە کە بەمەڵامەتوو کەوتەیرەو تەیارەکەیشانە جە پانېشتوو کورڎسانی گەشمەرڎۍ بېۍ، مەزڵوم عەبدی، فەرنڎەو گرڎی ھێزەکا سوریای دیموکرات-قەسەدەی وتارێش پێشکەش کەرڎە.

جە سەرەتاو قسەکاشنە عەبدی ۋاتش:"بە نامۍ فەرمانداری قەسەدەی و گەلوو ۋێماۋە سوپاسو ئا کەسا مکەرمۍ کە ھامکارێما بێنۍ پۍ ئەۋەگێڵنای جەنازەو گەشمەرڎەکاما جە پانېشتوو کورڎسانېۊ پۍ ۋەرنېشتوو کورڎسانی.

فەرمانڎەو گرڎیی ھێزەکا سوریای دیموکرات-قەسەدەی ۋاتش:''ئارۊ ٩ قارەمانۍ ئاخێزو ۋەرنېشتوو سەرنېشتوو ۋەرکەوتوو سوریای ڕایی کەرمۍ، کە ۋەڵێۋەبیەیشا پۍ جەنگەکاو دژ بە تېرۊری و ئەرەگېرا کەرڎەن، پی بۊنۊ ھەڤاڵا ۋێماو گەشمەرڎا دڵنېا کەرمێۋە، کە جە دژوو تېرۊری خەباتو ۋێما زیاتەر بەرمۍ ۋەڵێۋە''.

عەبدی ۋاتش:"چی مەراسېمە خەمباریەنە چڕیەی جە گرڎو جوۋانا کورڎی و عەرەبی و تەمامو پێکئاماکاو سەرنېشتوو ۋەرکەوتوو سوریای کەرمۍ، کە بەشڎارۍ ڕیزەکاو قەسەدەی با و دەسکۊتەکا ئاخێزو ۋەرنېشتوو کورڎسانی پارێزناو ۋەردەوامی بە ئاخێزی بڎا".

عەبدی دما دمایی قسەکاشنە ۋاتش؛ جە حزورو جەنازەو ئی ٩ شەڕڤاناڼە ماچو، ئا ئاڵۍ کە شمە بەرزەکەرڎۊ نمازمۍ نزمە بۊۋە و بێرە وارو ھامڕێکێتا گرڎ ۋەختۍ بەرزینە مازەشۊ و بە دروشمەو"گەشمەرڎە مەمرۊو مەمرا" دمایش بەقسەکاش ئارد.

ھ.ش