قەرەیلان: جەنگ وەرڎەوام بۊ و مەبۊ کەس بێباک و خەمسەرڎ نزیک بۊوە

مراڎ قەرەیلان ئەنداموو کۊمیتەو ڕاوەبەریی پەکەکەی واتش، هەڵای جە هەرێمەکاو پارێزناو مەدیای جەنگێوە قورس هەن، مەبۊ حیچ کەسۍ بە بێباکی و خەمسەرڎیوە ورسونیشت کەرۊ، داواش جە گرڎ لاێچ کەرڎە، پەشتیوانی جە بەرخۊدانوو گەریلای کەرا.

مراڎ قەرەیلان ئەنداموو کۊمیتەو ڕاوەبەریی پەکەکەی جە 'بەرنامەی تایبەتی'ی ستێرک تیڤینە قسێش کەرڎۍ. جە بەشوو یوەموو چەمپەنەکەوتەکەینە، گۊشەگیریی سەروو ڕابەروو گەلوو کوردی عەبدوڵڵا ئۊجالانی و جەنگوو هەرێمەکاو پارێزنای مەدیایش ور سەنگنا.

بەشی یوەموو چەمپەنەکەوتەکەی چەنی قەرەیلانی، کە کەناڵوو ستێرک تیڤینە پەخش کریا چینە بۍ:

گۊشەگیریێوە تنڎ لە سەروو ڕابەری گەلوو کوردی عەبدوڵڵا ئۊجالانیوە هەن. گەلوو کوردی جە دژوو ئانەیە چالاکیۍ کەرا. شمە ئاستوو ئانەیە چەنی ویندۍ؟      

چی دمایۊ دەوڵەتوو ئەرەگیروو تورکی ژمارێوە فرۍ هجوومێش پەی سەروو سەرنیشتوو کوردستانی پەی سەروو ئەیالەتەکاو سەرنیشتی کەرڎۍ. دوژمن گەرەکش بۍ سوود جە دۊخوو کەشوهەوای ور گێرۊ، بەڵام فرەو یاگەکانە بێئەنجام بۍ، بەڵام جە جوودینە و گابار و بەستانە جەنگی قورس ڕووەش دا،  بەرخۊدان بۍ. گرڎوو گەشمەرڎاو ئی بەرخۊدانیما جە جوودینە جە کەسایەتیی فەرماندە "هاوڕۍ هاروون"ینە، گابارنە جە کەسایەتیی هەڤاڵی فەرماندە "هۊگر و ئەڤریم" و بەستانە جە کەسایەتیی هامڕای ئازیزی فەرماندە "ڕۊژبین گەڤەردا" یاڎوو گردی بەرز مرمانوو. حەرپاسە جە ماوەی ویەردەنە جە هجوومێوە دوژمنینە ٢ شۊڕشگێڵنۍ رێکوزیاو دۊست و هەڤاڵوو مەلەکەپەی گەشمەرڎۍ بیۍ، کەسۍ وەڵێوە بییۍ و فەرماندۍ بێنۍ. ئێمە بە ڕێزۊ یاڎوو هامڕایاما "ئەحمەد شۊڕش" و "فرات نەواڵ"ی کەرمێوە. جە کەسایەتیی هامڕا "مەلسا مووش"ینە، ئا هەڤاڵە ساڵەی ویەرڎۍ گەشمەرڎە بی و ئێساڵ گەشمەرڎەبییەکەیش ئەرەیاونیا، جە ئاماڎەکاریی بەرخۊدانوو زاپینە ڕەنجێو ە فرە کێشیا، جە کەسایەتیی هەڤاڵ مەلساینە، یاڎوو گرڎوو گەشمەرڎاو بەرخۊدانوو زاپیما کەرمێوە و سەرەو ڕێزی پەی یاڎوو گرڎوو گەشمەرڎا نامنمێرە. ئێمە ئا وەعدەیما دووەپات کەرمێوە، کە بە گەشمەرڎەکاما دانما.

هجوومێوە تنڎ سەروو "ڕابەر ئاپۊ"ی هەن. ئانە بە شێوەو گۊشەگیریێوە ڕەهای و تنڎی، بە ئەشکەنجەی دەروونی کریۊ. ئێمە بە وەردەوامی ئەرەیاونانما، کە ئینە گۊشەگیری سەروو کەسێوە نییا، ئینە گۊشەگیرین سەروو گەلێوە، گۊشەگیرین سەروو ئازاڎیی گەلوو کوردی، سەروو ئایندەو گەلوو کوردی، سەروو دیموکراسیی تورکیای. گۊشەگیرین سەروو یاسێ و داڎپەروەری. گۊشەگیرین  سەروو ئایندەو گەلی و هەرێمەکەی. ئێمە دایمە ئانێما بەروستێنۍ و ئانێچە ڕاسییەکێنۍ، بەڵام ئێمە ئێساتۍ وەختۍ چا چوارچووەنە تەماشەو کاردایۊکا کەرمۍ، ئانە موینیۊ، کە ئی گۊشەگیرییە گۊشەگیرییەکی گرڎینا، کە گەورەتەرین وەربەسوو وەروودەموو یاسێن، داڎپەروەری، دیموکراسی و ئازاڎی، چونکوم پی گۊشەگیرییە سیاسەتوو جینۊسایدی سەروو کوردستانیرە  پەیڕەو کریۊ، جە دلێنەکەشنە پاکتاوکەرڎەی و سڕیەیۊ هەن، ڕای گرڎیی و گەلەکەما و گەلە دۊسەکۍ چانەیە میاوانە و ئەنەیاوایش سەرۊ وەش بییەن. پەی ئی مەبەسیچە چی دمایۊ بەڕاسی کاردایۊیۍ بەقووەت بییەن.

ئارۊ جە وەراوەروو ئا سیاسەتەو دەوڵەتوو تورکینە، هیچ ئەخلاق و یاسێوە نیا و جە حیچ شۊنێوە تەرنە چێوی چانە نییا، ئارۊ جە دژوو ئانەی کۊشیایۍ هەن. جە لایەنوو گەلەکەیماوە دلێنە و هەم جبەریچۊ، جە ئەورووپا و شۊنەکای تەریچنە کاردایۊ هەن. هەم جە لاو دۊسەکاماوە، گەلە دۊسەکاما، ڕێکوزیایە دۊسەکاما، داکۊکیکەراو مافەکاو ئینسانی و کەسە دیموکراسیوازەکا و جیهانوینەکا و گلێرگەی جیهانیوە کاردایۊهەن. پەرلەمانتاراو ئەورووپای فەڕەنسا و ئەڵمانیانە و هەم جە خودوو کوردستانینە، جە پەرلەمانوو تورکیاینە ئا دەنگۍ وەڵۍ وزیا، کاردایۊ نیشانە دریۊ و بڕێوە ڕای گرڎین وەش بییەن. تاومۍ چا بارەوە ئانەی واچمۍ. ئیساتۍ ناڕەزایەتی و کاردایۊکۍ نیەنۍ ئاستێوە خراپنە، بەڵام تێرکەرۍ و قایلکەر نیەنۍ. جە بنەچەنە ئێمە چینەینە دێرۍ کەوتێنمۍ. ئینە ئەشیا زووتەر کریۍ. جە ئاستوو جیهانینە، وەڵتەر کۊنسێرتێوە جە ئیتالیانە کریا. ئیساتۍ دیما جە ئیسپانیایچنە ئانە ڕووەش دا. مڵکداربییەی، نیشانەدای ڕەفاقەت و دۊستایەتین بە شێوێوە سروشتی و جەوهەری ئارۊ ئانە تا ڕاددەێوە ڕووەش دان، بەڵام پێسە واتم، ئینە وەسۍ نییا، مشۊم زیتەر گەشەش پەنە دریۊ. تا بتاویۊ ئی زنجیرە پیلانگێڵنایە بەیننەتەوەییۍ و ئا سیستمە ئەشکەنجەیە سەروو ڕابەر ئاپۊیۊ مەڕیۊ.

 زاپنە جەنگێوە قورس هەن. جە فرەو مەنتێقانە دوژمن هەڵای چەکی کیمیاوی بەکار مارۊ. بڕۍ یاگێنە پاشەکشەش کەرڎەن، دۊخوو ئێسەو زاپی چەنینا؟

مشۊم من خاسخاسۍ جوابوو ئی پەرسۍ دەووە، چونکوم ئێساتۍ دەنگۍ هەن، هەم دەوڵەتوو تورکی جە لاو وێشۊ و وەروو ئانەی مەڕیاکەێش شارۊوە بەرنامە پەی وێش وەش کەرۊ  و دوۊ و ئەرەیاونایۍ وەڵا کەرۊوە. هەم مشتومڕیچ هەن، هەم جە لاو کوردیچۊ بڕۍ لەیەکدایۊیۍ وزیا ڕووە، وەختۍ ئێمە تەماشە کەرمۍ، ئانەی وینمۍ، کە یاوینەی سەروو بارودۊخەکەی بە خاسی و دروسی نییا، وەختۍ ئینسان واچۊ دوژمن ڕەمان، جە زاپنە لوان و نەمەنەن، ئانە ڕاس نییا و دیعایێنۍ، بەڵام یۊ ئانەیچ واچۊ، کە گرڎ یاگێچ گیریان و زاڵۍ بییێنۍ، ئانەیچ ڕاس نییا. ڕاسیێوە هەن، جەنگۍ هەن و ئی جەنگە بەهەسی وەردەواما، چونکوم بڕۍ شرۊڤۍ چانۍ وەڵۍ وزا، کە عەلاساس جەنگ مردان و دماییش ئامان، یان سووک بییەن، بەڵام ئانە پاسە نییا و من بڕۍ باسوو ئانەیە کەروو.

ئایا ئینە چەنی وێش جەوێڕازیبییەیۍ وەش مەکەرۊ؟ چونکوم ئێساتۍ گەریلێکۍ جەنگێوە قورس کەرا.

 بێگومان جەوێڕازیبییەیۍ و ڕەحمەتێوە وەش کەرۊ و هەم بەخاسی یاواینەی جە حەقیقەتەکەی وەش مەبۊ. چانەی مشۊ ئینە کەموکوڕیی ئێمەیچ بۊ. ئێمەێچ نەتاوانما بەخاسی ڕۊشنش کەرمێوە وەڵۍ گرڎ چێوێنە، با ئانەیە واچوو، ئا جەنگە ئارۊ سەرنیشتنە، گرڎوو ئەیالەتەکانە ڕوو مڎۊ. ئیسە زاپنە، مەتینانە، ئاڤاشین-یچنە ڕووە مدۊ. ئینە جە لاو دەوڵەتوو تورکیوە دەسش پەنە کەرڎەن. ئێمە ئینایمۍ وێپارێزناینە. ئێمە چارەی سیاسی کەرمۍ بە بنەما، بەڵام دەوڵەتوو تورکی مێزەو ڕاچارەیش ور وێڵناوە و هجوومەکێش پەی سەروو ئێمە زیاڎۍ کەرڎۍ. یانی ئانە کە وچیۊ 'پەکەکە خاکوو عێراقی بەکار مارۊ، ملۊ مڎۊ وەنەو تورکەکا'، چێوۍ چانە ئەسڵش نییا. ساڵەو ٢٠١٢ حیچ کەسێوە پانیشتوو کوردستانینە گولـلەش نەنیان دەوڵەتوو تورکیایۊ. دەوڵەتوو تورکی پەی وێش یاوان پەیلوایۍ، کە دەستکەوتەکاو گەلوو کوردی ئەرەگیرۍ کەرۊ، سنووری میساقیی میللییش پەی وێش کەرڎەن بە ئامانج، سەروو ئا بنەمۍ و چوارچووەینە هجووم پەی سەروو وەرنیشتوو کوردستانی و هەم پەی سەروو پانیشتوو کوردستانی جە ساڵەو ٢٠١٥ پەی ٢٠١٦ کەردەن بە پلانەو وێش.

یانۍ ڕاسییەکە چینەن، بێگومان هجوومۍ تاکلایەنە هەن و بێگومان جە وەراوەروو ئانەیچنە ئێمە  جەنگوو وەرگێری و وێپارێزنای کەرمۍ، جەنگوو پارێزنای خاکوو کوردستانین، جەنگوو پارێزنای خاکی پیرۊزین. ئا جەنگە ئیسە کریۊ دەکرێت پا شێوەنە.  کە بڕۍ پیلا و پەولارە بەراش، بەڵام بەڵام ڕاسییەکە پی شێوەنە. جە لاێوە تەرۊ، جەنگ چەنین بۍ، ئیساتۍ چەنی ملۊ ڕاوە؟ پێسە مزانیۊ، سەرەتا جە حەفتانینۊ و ٣ ساڵ چاوەڵتەر دەسش پەنە کەرڎ، ئانە ماوەو ساڵێوەش خواینا. یانۍ ساڵەو ٢٠٢٠. حەرپاسە جە ساڵەو ٢٠٢١ و ٢٠٢٢ێنە دەوڵەتوو تورکی وازۍ مەحاڵێوە وافر جە ئاڤاشیننە و زاپنە و ئیڎەس و ئەوڎەسوو زاپی و بەشێوە جە مەتینای داگیر کەرۊ. ئێمەیچ جە دژوو ئانەیە وەرش پەنە گێرمۍ و بەرخودان کەرمۍ. پینەی خاکوو  باشوورو کوردستانی پارێزنمۍ. ئەگەر ئێمە نەپارێزنێما گەرەکشا بۍ بە ماوێوە کەم ئێگەی گێرا و دەست بە وەڵێکەوتەی کەرا و تا گارە بلا، تا مەخموور و شەنگال یاوا و پی نۊعە گرڎی گێرا. سەروازەکاو وێشا و ئانیشاو باشیکی یاوناوە بە یۊی. پلانییشا ئانۍ بۍ و پا نۊعە بۍ.

چی تا ئیسە باشیکنە مەکێشیاوە؟ حەرچنڎە دەوڵەتوو عێراقی داواشکەرڎێنە کێشیاوە، چند ساڵێوە وەلۍ ئیسەیچنە، بەنهێنی سەروازە مەدەنییەکاو وێش پێسە میتی کەرکووکنە پژگنێنۍ. پلانێوەشا پەی وێشا نیێنەرە، ئا پلانۍ بە نامۍ "ئێمە دژوو تیرۊری گژیەیمۍ"، بەڵام ئانە ڕاسییەکەن. ئێمە ئینەما حەر پاسە بەسادەیی و هەرزانانە ڕاوە نەبەردەن، ئێمە پەی ئینەی قوربانیی فرەما دان، مشۊم ئینە جە لاوگرڎ کەسیوە پەنەش بزانیۊ و وینیۊ. ئێمە قوربانیی ئانەیما دان. ئی جەنگە هەڵای درێژە کێشۊ. چەنی بۍ؟ من باسوو ئانەیچ کەروو. ساڵەو ٢٠٢٢ دوژمن گەرەکش بۍ بەتەمامی زاپی گێرۊ و پەی ئانەی ئاما، بەڵام جە وەرکەوتوو زاپینە یەک سەنگەروو گەریلایچش نەگێرت. نەتاواش یەک سەنگەریچ گێرۊ. نەتاواش تاقە تونێلێچ گێرۊ.. پەوکای نەتاواش وێش یاگۍ کوۊرە، ناچار بی خاڵێوە پەی وێش ور چنۊ و گرڎوو هێزەکاش کێشنۊوە پەی ئا خاڵۍ. ئێمە پا خاڵۍ ماچمۍ ئێف ئێم، یانی پەشتەو دەگاو "زێڤێ"ی. چاگە دۊڵێوە هەنە دامنەو کەشوو هەکارینە، کەشەکە سەروو ئامێدیرە مدیۊ.

گەرەکشا بنۍ کوۊرە چاگە. ئیسەتۍ ڕاش پەی وەش کەرڎەن و و تانکێچش پەی ئارڎەن. خەیاڵشا چاگە بنۍ کوۊرە. یەرۍ تەپێشا گێرتێنۍ، بەڵام ئێمەیچ ئینایمۍ چاگە، هەڤاڵەکێما ئینۍ چاگە. چاگە تەپوو گەشمەرڎە مونزووری هەن، ئێساتۍ چاگە جەنگ هەن. ئینە ئا یاگێنە، کە دەوڵەتوو تورکی خەیاڵشا بنۍ کوۊرە چەنەش، بەڵام هەڤاڵەکێما ڕاشا پەنە مەدا ، وەردەمشانە بیێنۍ بە وەربەس.  ئیستۍ ئاڎۍ دژوو هەڤاڵەکاما بە گرڎ نۊعە چەکێوە  جەنگی بەقووەت کەرا. جە تەپوو "ئێف ئێم"ینە جەنگێوە قورس هەن. یانۍ دەوڵەتوو تورکی جە وەرنیشتوو زاپینە بێئەنجاما و مەڕیان. ئاڎ تەنیا گەرەکشا ئاگەی گێرۊ، کە مەتاۊیچ گێرۊش. ئاڎ هەڵای هەوڵی ئانەی مڎۊ. وەرنیشت پاسەنە. مەتینا جە لاو وەرنیشتیوە، لە مەتینانە سەروو تەپوو هەکارییش گێرتەن، بەڵام هەڤاڵەکێما ئینۍ چایچ و نزیکێنۍ. شمە دیتا هەڤاڵەکێما جە ٢٥ی تشرینوو دووەمینە هەڵمەتێوەشا کەرڎە سەرشا، گورزێوە گەورەشا دۍ وەنە. هەڤاڵەکێچما چاگە چۊشاوە نزیکێنۍ. یانۍ دیارنییا کە چۍ بەدایمی مەناوە یان نا. بەڕاسی چێگە شکسشا ئاورڎەن، نەیاوێنۍ نەتیجە. بەڵام تا ئیسەیچ حەر جەنگ هەن. جە لاو وەرکەوتوو زاپیوە چەنینا؟ یانۍ ئاڤاشین؟ چایچ دەوروبەروو زاپیش نەگێرتەن و مەتاوۊ گێرۊش. بەڵام گەرەکشا زنجیرێوە پاڵوو ئاڤاشینینە وەش کەرۊ تا یاوۊ شیلادزۍ. چا کەشێوە هەن پەنەش ماچا کەشوو "مامڕەشی" ئیتر بەشوو کۊتایی کوڕەژارۊین. چا جە کوڕە ژارۊنە جە لووتەو کوڕەژارۊینە فرەو یاگانە، جە هەرێموو ساجای جە فرەو مەنتێقەکانە کێشیینۍ و ئیسە گرڎوو قورسایی وێشا وستەنشا سەروو خەتەو پاڵوو ئاڤاشینی. چاگە ئیسەتۍ جە چەمچۊنە جەنگ هەن و جە دەگاو سیدایچ هەن. دەوروبەروو هەردووە دەگایەکانە کەشۍ و لووتۍ هەنۍ، چا کەش و لووتانە جەنگ حەر هەن. بڎیەیدۍ ئیسە نۊ مانگۍ و نیمش پەڕ کەرڎەنۊ. پاسە کە لەیەکم داوە ٢٩٠ ڕوۍ تەمام بۊ . دەوڵەتوو تورکیای گەرەکشا چێش کەرۊ؟ گەرەکشا پێسە مەرڤانیسی، وەرخەلێی، چەمچۊی، سیدای و پەشتەو شێلادزۍ زنجیرێوە وەش کەرۊ، چا یاگۍ وێش گێرۊ. بەڵام گەریلا نمازۊ جە چەمچۊ، سیدا و دەوروبەروو شێلادزێنە وێشا گێرا. چەنگۍ فرە دژوار حالیەن چاگە هەن، ڕاش کێشتێنە بەرەو ئاگە و تۊپێش ئارڎێنۍ، بەتایبەت چاگە کە قەڵاو چەمچۊی هەنە. دەوڵەتوو تورکی گرڎوو قەرەقۊڵەکاو سەر سنووریوە کاتووشۍ منیۊ قەڵاو چەمچۊیۊ. بە تەیارەی جەنگی مدۊش وەنە. وەرانوەر تانکێشا نیێنێرەو مڎاش وەنە. بە چەکی سووک مڎاش وەنە، بەگرڎ جۊرە چەکێوە مداش وەنە، بەڵام ٢٩٠ ڕوێن قارەمانەکاو ئاگەی وەرگێری کەرا. ڕاشا مەڎا چاگە یاگۍ گێرا. فرەتەرین مەودا کە جە کەشەکەیۊ نزیکۍ بیۍ باو٤٠٠ مەتر بییەن، چانەی زیاتەر نزیکۍ نەبیێنۍ. جگە ئانەی چاگە سەنگەروو گەشمەرڎە دۊغانی، گەشمەرڎە بۊتانی، گەشمەرڎە فەلاتی هەن. چا یاگایچنە بە گرڎ نۊعۍ بە تانک، بە کاتووشا، هەم بە چەکی سووک و چەکی کیمیاییچ بەکار مارا. جە قەڵاو چەمچۊینە مەتاوا بلا سەر و چەکی کیمیایی بەکار بارا. یا تا ئیسەتۍ نەیاوان دەروازەو تونێلەکا. تەنیا دوورۊ کەراشا ئامانج. بەڵام جە گەشمەرڎە بۊتان و گەشمەرڎە فەلات بەتایبەتی گەشمەرڎە بۊتان نزیکەو گرڎ ڕووۍ ١٠-١٥ جار چەکی کیمیایش چەنە بەکار مۍ. کاتووشا، تانک، تەقەمەنیی قەڎەغە بەکار مارا. دەوڵەتوو تورکیای وەروو ئانەی ئا یاگۍ وزۊ گرڎوو قووەتیش بەکار مارۊ. چاگە چەنگێوە دژوار هەن، بەڵام ڕای گرڎین پێسە جەنگێوە ئاسایی وینۊش و پەیش مڎیۊ. گێرا ساحێوە وافر نەبۊ، بەڵام ئا ساحە جە دووۍ دەگایا پێک ئامان و و بەشوو وێش هەنش. بەڵام بە گرڎ جۊرە چەکێوە جەنگش چەنە کریۊ. من پاسە ماچوو. ئا جەنگەوانۍ ئینۍ چاگە کەی گەرەکشا بۊ تاوا نەما جانتاکەیشا و جیاش بازا. یانۍ فرە وەرڎەمشا نەگیریان. بەڵام ئاڎۍ بە گیان پارێزگاری کەرا، خاکی پارێزنا کوردسانی پارێزنا. ئاڎۍ کوردێنۍ. وەڵتەر وەعدما دان کە گرڎ یاگۍ کوردستانی پارێزنمۍ. دوژمن مۍ خەیاڵشا گێرۊش، چا زنجیرێوە ساز کەرۊ، وەراوەر پانەی وێما گێرمۍ و وەرگێری کەرمۍ. ئا بەرخودانە کارتوو دەسوو سیاسەتوو کوردین، دەسوو حوکمەتوو هەرێموو کوردستانی، دەسوو دەوڵەتوو عێراقی بەراوەروو حوکمەتوو تورکیایۊ بەقووەت کەرۊ. ئەگەر بۊنەو ئی بەرخۊدانیوە نەبیۍ، دەوڵەتوو تورکی جە موسڵنە مردێوە، گۊش نەڎۍ بە کەسی. پەی چێشی ؟ وەروو ئانەی چێگە شکسش ئارد، دووۍ ساڵێن مەتاوۊ زاپی گیرۊ. چێگە جەنگ چانەن. ئانێچ چێگە جەنگ کەرا بێگانۍ نییەنۍ، خەڵکوو کوردستانینۍ. ژمارێوە فرۍ هەڤاڵاو باشووریما ئینۍ دلێنە. فەرماندە بەرفین سارا کێنە؟ خەڵکوو سلێمانینە. فەرماندە زەردەشت پیرانشار خەڵکوو کۊگەین؟ خەڵکوو ڕانیەین. فەرماندە دەلال شۊڕش خەڵکوو کۊگەین؟ خەڵکوو سلێمانین. هەڤاڵ عەگید کوردستان خەڵکوو خانەقینین. هەڤاڵ شاهۊ قەندیل خەڵکوو سۍ ساڎەقین. یانۍ ئا هەڤاڵۍ، پەی نموونەی هەڤاڵ هەڵمەت ڤیان، قەوموو گەشمەرڎە ڤیان سۊرانێن. هەڤاڵێوە گیانبازە بۍ خەڵکوو سلێمانیی بۍ. یانۍ ڕۊڵۍ ئی وڵاتینۍ چێگە چەنگ کەرا. ئانێنۍ کە ئینۍ حەرچوار بەشەکەو کوردسانینە. بەرخودانێوە ئاسایی نییا، وەراوەروو گرڎ جۊرە چەکێوە تاوا بە ئیراڎێوە گەورەوە مرڎاوە و وەردەوامۍ با. ئانە ئیسە ئینایمۍ دلێڕاسەو زمسانینە. دەوڵەتوو تورکی وەروو ئانەی سەر نەکەوت پەی ڕای گرڎینییش ئەرەیاونا، کە دماییش بە ئۊپراسیۊنەکەی ئارڎەن و باسش چانەیە کەرڎ، 'زنجیرەو زاپیم تەمامنان '. دروێنە، چێوۍ چانە ئەسڵ و ئەساسش نیا. ئیسە گەرەکشا بە گرڎوو قووەتوو وێشۊ جە کەشوو "ئێف ئێم"ینە بنۍ وزۊ، هەڤاڵاو ئاگەی دلێنە بەرۊ. خەیاڵشاپاڵوو ئاڤاشینینە زنجیرێوە وەش کەرۊ، ئا هەڤاڵۍ ئینۍ چا بەتایبەتی جە چوار سەنگەرانە وەرگێری کەرا و هەڤاڵاو مەیڎانەکاو دەوروبەروو ئاڎیشا، کە بە شێوازوو تیمی گێڵیای جەنگ کەرا، جەنگ ئیساتۍ چاگە بەهەسی هەن. بەڵام دەوڵەتوو تورکیای، حوکمەتوو ئاکەپە – مەهەپەی ئینەیە جە ڕای گرڎینی شارۊوە. وەروو ئانەیە واتش دماییش ئامان. کوشیایەکاش شارۊوە، کە گرڎ ڕووۍ کوشیێشا هەنۍ. گرڎ ڕووۍ تیمە گێڵەرەکۍ جبەرۊ مڎاشا وەنە. بەڵام گرڎی شاراوە. ئا یاگۍ کا ماچا دلێشنە سەرکەوتێنمۍ، پەی نموونەی زاپ، من باسوو لاو وەرنیشتوو زاپیم کەرڎ، چا دوژمن کوشیێکێش وەروو دەساو هەڤاڵانە جیا ئاستۍ و ڕەما. چایچ نەتاواشاکوشیایەکاسآ بەرا و جیاشا ئاستۍ، سۊچنێشا و لوۍ. بەکوڵی دەوڵەتوو تورکی شکسش ئاردەن، ئانە ڕاسین. بەڵام با ئینسان فرە ئانەی بەرجەسە نەکەرۊوە چونکوم هەڵای درێژەش هەن. بڕۍ یاگێچشا گێرتێنۍ. ئێمە هەڵای ئینایمۍ دلۍ یۊینە، جەنگ وەردەواما. دۊخەکە چینەن. ئینە پەی گەریلاکاو ئازاڎیی کوردستانی بە دڵنیاییوە سەرکەوتەیۍ گەورەن. بەڵام مشۊم گرڎ کەس بزانۊ، کە ئانە ئاسان نییا، بە گیانبازیێوە گەورە دەسەبەر بۊ. تەنیا بە هۊشیاریی خەتەو ڕابەر ئاپۊی، بە گیانێوە فیڎایی دەسەبەر بۊ. حەرپاسە بە شێوازێوە پسپۊڕانە بە جەنگ بۊ، تاکتیک و ستراتیجۍ کە چێگە پەیڕەو کریۊ، ئا ستراتیجە تازەنە، پەی تەماموو جیهانی نموونەن. ئا چێوە تازۍ ڕووە مڎا،چێوۍ ئاسایۍ نییەنۍ. پەی گرڎوو گەلوو کوردی مایۍ دڵوەشیینۍ، ئارۊ کناچە و کوڕوو کوردی چێگە بە ئیراڎێوە گەورەوە وێنا کەرا، جەنگێوە گەورەی تاریخی کەرا. داوا جە گەلەکەیما کەرا بەتایبەتی گەلەکەما جە پانیشتوو کوردستانینە پەشتیوانیی ئا قارەمانا کەرا، بەتەنیا جیاشا نمازدۍ. گرڎ یاگێوە پەشتیوانییشا کەرڎۍ وەروو ئانەی ئی بەرخودانە تاریخییە سەر گنۊ.

.

درێژەی هەیە