پەرلەمانتاری پەرلەمانو کانتۊنو جنېفی "ریمی پاگانی" باسش چانەی کەرڎ کە نیایرەی پەکەکەی لیستو تیرۊریەنە جە لایەنو ئۊروپایۊ دوڕوییا و ۋاتش، ئا قەرارە بە ماناو ھامکاری کەرڎەی ئا جەنگە چەپەڵەینە کە ئەردۊغان دژوو کەرڎا ئەنجامش مڎۊ.
سەرۊکی ۋەڵینو شارەوانی جنېڤی و پەرلەمانتانتاری پەرلەمانو کانتۊنو جنېڤی "ریمی پاگانی" میدیا خەبەرنە جوابو پرسیارەکا سەرکان دەمیرەڵیش داوە.
پاگانی باسش چانەی کەرڎ کە ژمارەو ئەرەنیشتا کورڎی تورکیانە جە ژمارەو ترکەکە زیاتەراو پی جۊرە دوا:" ھامۋەخت کورڎ پرۊلیتاریا و توێژو کرێکارا ترکیەی پېکمارۊ. سەربارو ئا ڕاسیەیچە نکوڵیکەرڎەی جە کورڎا کېشېۋی گۊرەن دڎان نەنیای پۊرە بە بیەو گەلوو کورڎیرە مژارەکەش تا ئاستو ئەرەکۊشای چەکڎاری بەردەن. ئارۊنە باسکی و کاتالانەکۍ دەسشا بە قسەکەرڎەی بە زوۋانو ۋێشا کەرڎەن. متاومۍ سویسرایچ بە نمونە بارمېۋە. حەر گلېرگېۋە ڕێزش جەکلتورو زوۋانو ئەویشای تەری گېرت و تاواشا پېۋەرە بژیوا. بەڵام ۋێڕاۋەبەری ترکی کە بورژوایای ترکی پېک مارۊنە، زوۋان، کلتور، ئەشناسنامەو کورڎاش قەڎەغە کەرڎ و جەنگش سەرەرە سەپنۍ. دۊڵەتو ترکی چی سەردەمیچنە ھەڵای پەرلەمانتارا کورڎی زینڎانی مکەرۊ و ئینە شایەنو قبوڵکەرڎەی نیا.
جە لایۍ تەرۊ ئېمە ۋەرەن ڕوو ئەزمونېۋە دیموکراتیکینمۍ کە جە لایەنو پەکەکەیۊ جە ۋەرنېشتو کورڎسانیەنە ۋەشکریان و پۍ ئۊروپایچ نمونەن.
*گرڎما بە ھامکاریەکا ئەردۊغانی پۍ داعشی مزانمۍ:
پاگانی ۋاتش؛ کە وڵاتا ۋەرنیشتی پۍ دلېنەبەرڎەو داعشی پەنەوازشا بە کورڎی بۍ و ماچۊ:" جە سایەو کورڎانە تەرسەو تیرۊریچ دلېنە بریا. بەڵام دۊڵەتا ئۊروپای ڕا مڕانۍ کە ترکیە ھجومکەرۊنە سەرو کوردا. ئی ھەڵۋێسەو ۋڵاتا ئۊروپای یاگۍ قبوڵکەرڎەی نیا. دوۋۍ ساڵۍ چېۋەڵتەر لوانی پۍ سەرنیشتوو عېراقی. بەپاو ئا زانیاریا کە چا دەسنیشانم کەرڎۍ، ئەردۊغان چنی ۋێڕاۋەبەرا ئاگەی گرێبەسو ڕێککۊتۍ ئابوریۍ فرێش ئیمزۍ کەرڎێنۍ و پەشتگیری جە داعشیچ مکەرۊ. پەیۋەنڎی ئەردۊغانی و داعشی تازە نیا. گرڎ کەسۍ ئانەی مزانۊ. چا چۋارچېۋەنە ئەردۊغان پەکەکەی بە ۋەربەست ۋەردەمو ۋێشەنە وینۊ".
*ڕژێمەکەو ئەردۊغانی ڕژێمېۋی دیکتاتۊریا:
پاگانی جە درێژەو قسەکاشنە ۋاتش:" ڕژێمەکەو ئەردۊغانی بە تەمامی ڕژێمېۋی دیکتاتۊریا.
پۍ نمونەی، پۍ چی سەرۊکەو ۋەڵینەو ئامەڎیی گوڵتەن کشاناکە ئینا زینڎانەنە؟ ئینە ئەگەر دیکتاتۊری نەبۊ چ چېۋێۋەن؟ ۋەختۍ کورڎسانو عېراقیەنە بېنۍ قسېم چنی شەرڤانېۋە کورڎی کەرڎ، جە ئاکامو ھجومەکانە خەڵکۍ مەدەنی کوشیا، مەعەلئەسەف حیچ چېۋۍ نیا دەسو شەرڤانا کورڎیۊ کە دژوو تەکنە لۊجیای مرڎاۋە. دۊڵەتو ترکی پا ھجوماشە تاۋانۍ جەنگی ئەنجام مڎۊ".
*پەکەکە جمیەرۍ ۋێڕاگرین:
پاگانی ئەرەیاۋناش، ناتۊ گەرەکش نیا تورکیانە ۋێڕاۋەبەریۍ کورڎی سازکریۊو پی جۊرە دوا:" پۊکاتی پەکەکەش لیستو تیرۊریەنە نیانەرەو پەشتیۋانی جە جەنگو ئەردۊغانی دژوو کورڎانە مکەرۊ. من پاسە ۋیر کەروە کە پەکەکە جمیەرۍ ۋێڕاگرا، پی جۊرە ۋینوش. دەیان ساڵېن مدرامانو ۋێڕاگری مکەرا".
*ئەشۊ ئۊجالان ئازاڎ بکریۊ:
پاگانی ئانەیچش ۋست ڕوۋە کە ئەردۊغان بە شېۋێۋی تاریخی ماۋێۋە حۊلشدا کە پەرسو کورڎی چارە کەرۊنە و پی جۊرە قسەکاشنە ۋەردەوام بۍ:" چا چوۋار چېۋەنە ئەرەنیشتەی و گفتوگۊ چنی ئۊجالانی و پەکەکەی ئەنجامدریا. بەڵام ئەردۊغان درکش پانەی کەرڎ کە ئا قۊناغە بەپاو بەرژەۋەنڎیەکا ئاڎی مەلۊ ڕاۋە، دەسش جە ویستو ۋێش پۍ چارەسەری ھورگېرت. پۍ چارەکەرڎەو پەرسو کورڎی ئەشۊ پرۊسېۋە بېنە ئارا کە ڕێزدار ئۊجالان نوێنەرایەتی کورڎی بکەرۊ. ئەشۊ سەرەتا ئۊجالان لانی کەم بتاۋۊ چنی جبەرو زینڎانی پەیۋەنڎینە بۊ، دماتەر پېسە نوێنەرو پەکەکەی پۍ ئانەی ۋەڵېۋەبیەی پۍ قۊناغو چارەسەری کەرۊ ئەشۊ ئازاڎ کریۊنە".
ھ.ش
