"شیلان کورڎسانی" ە چالاکەو بوارو مافەکا مرۊڤی سزاو زینڎانیش سەرەرە سەپیا

"شیلان کورڎسانی"ە نۋیسەرەو چالاکەو بوارو مافەکا ژەنا بە تۊمەتو پەشتیۋانیکەرڎەی جە سەرھورداکاو "ژەنی، ژیای، ئازاڎیی" سزاو ٤٠ مانگا زینڎانیش سەرەرە سەپیا.

"شیلان کورڎسانی"ە وەرگېڵە- نۋیسەرەو چالاکەو بوارو مافەکا ژەنا و ئەنڎامەو ڕێکوزیاو ژەنا " ژیۋانۊ"ی جە سەرھۊرداکا ئېرانی و ۋەرکەوتوو کورڎسانی و دماو گەشمەرڎە بیەو "ژینا ئەمینی"ێۋە گیریېبۍ، جە تەرەفو لقو یۋەمو داڎگاو ئاخېزو سنەیۊ سزاو زینڎانیش سەرەرە سەپیا.

"شیلان کورڎسانی"ە بە تۊمەتو ئەنڎامیەتی جە ڕێکوزیاو ژەنا" ژیۋانۊ"ی و بەتۊمەتو ئانەی کە " پرو پاگەنڎەش دژوو دەوڵەتی " کەرڎەن سزاو ٤٠ مانگا زینڎانیش سەرەرە سەپیا.

"شیلان کورڎسانی"ە نۋیسەرەو چالاکەو بوارو مافەکا ژەنا جە ٢٣ۍ تشرینی یۋەمو ٢٠٢٢ۍ جە ۋەختو سەرھوردا سەرانسەریەکا ئېرانی و ۋەرکەوتوو کورڎسانی جە لایەنو ھېزەکا سەر بە حکومەتیۊ گیریا. ئا چالاکۍ دماو دوۋۍ حەفتا جە گېرتەیش جە لایەنو بەشو ئیتڵاعاتیۊ، بە نیایرەو کەفالەتی ئازاڎە کریا.

ھ.ش