ڕوٙ دەگاو گوڵپی ڕێکبوزیۆنە

ئەنجومەنو دەگاو گوڵپی ئاشکرش کەرد، مانگۍ ئایندۍ ڕوٙ دەگاو گوڵپی ڕێکبوزیۆنە و وازیارو بەشداری گرد کەس و لایێوەن.

ئەنجومەنو دەگاو گوڵپی جە هورامانو دیمو پانیشتو کوردستانیەنە هاگاڎاریشدان و جە میانشەنە ئاشکاراش کەردەن: ئەنجومەنو دەگاو گوڵپی بە هامکاری شوار و خەڵکو دەگایەک ئاهەنگێ (مەراسیمێ) سازە مکەروٙ بەنامیٛ (ڕوٙ دەگاو گوڵپی).
مەڕاسیمەکە جە ڕوٙدیارو ٢٠٢٢/٠٣/١٩ی ساز بکریۆنە و مەبەست جە ئی ئاهەنگیٛ ئینەن کە:

١. ئەشناسایو یوٙترینی و پتەو کەردەی قەومایەتی میانو خەڵکەکەیمانە.

٢. ویٛ بەخاوەن زانای دەگاکیٛما و پتەوکەردەی گیانو هامکاری و دیفاعکەردەی جە مڵکو بابو باپیرانیمان.

جا پی بوٙنەوە داوا مەکەرمیٛ جە هەرکەسێ کە ئامادەن بەشداری بکەروٙن جە لێژنەو ئامادەکاری ئاهەنگەو ڕوٙ دەگاینە، بفەرماووٙ ویٛش بشناسوٙ و نامیٛش بنیوسوٙ تا گردما پیٛوەرە بەرنامیٛ هێقم و بیٛکەم و کوڵی بمجمیٛرە پەی ئاڕوٙیە.
                                                                     ئەنجومەنو دەگاو گوڵپی