ئەسپەرێزیەکێ ئەنبوڵسشان پەی دەگایەکێشان ئەسا

ئەرەنیشتێ دەگاو ئەسپەڕێزو هەورامانی پوڵشان کۆکەردەوە و ئەمبۆڵاشێوشان پەی دەگایەکێشانی ئەسانا.

ئەرەنیشتێ دەگاو ئەسپەڕێزی سەر بە هەرێمو هەورامانی، جە دمای کۆکەردەی پوڵی پەی یاوانای و لولەکێشی ئاوەو واردەوەیۆ پەی دەگایەکێشان، ئیجارە ئەواوەجەمی هەڵمەتێوشان پەی کۆکەردەی پوڵی دەستپنەکەرد تا جە ڕاشەوە (ئانبۆڵانس/ ماشینو فریاکەوتەی) پەی دەگایەکێشان بسانانێ.
جە هەڵمەتەکەنە ژمارێوی فرێ جە ئەسپەرێزیەکان بەشدارێ بیێ و دەرەنجام ٢٧٠ (دوەسەڎ و حەفتا) ملیۆن تومانێ کۆکریاوە و ئەنبۆڵانەسەکەش پنە ئەسانیا و وزیا خزمەتو هاموڵاتیا.
وەڵتەر بە نونگەو نەبییەو ئانبوڵانسی فرە جارێ نەوشێ دەگایەکێ ڕووبەڕووێ سەختی و زەحمەتی مەبێنێوە و ژیوایشان مەگنێ مەترسی. سەرەڕاو ئانەی کە چەنڎین جارێ داوا جە دەسەڵاتدارانو ناوچەکەی کریابێ تا ئانبوڵانسشان پەی بسانیۆنە، بەڵام داواکاریەکە پەشتو گۆشا وزیا و ئامادێ نەبێن گرفتەکەی چارەسەر بکەرانێ.
بەئەسانای ئانبوڵانسەکەی جە ئیسە بەدماوە ئا گرفتە چارەسەر ببۆنە و کەسانێ کە نەوەشێنێ و پنەوازیشان بە یاونای بە چارەسەرگاکان جە شارەکان هەن، ئانبوڵانسەکە مەگنۆنە خزمەتشان و ئیتر ژیوایشان نمەگنۆنە مەتەرسی.