کاندیدانی هەڵبژاردنی پارتی دیموکرات ڕایانگەیاند، چارەسەری کێشەی ئیسرائیل – فەڵەستین بە دروستکردنی دوو دەوڵەت چارەسەر دەبێت.

ساندێرس، نەتەنیاهۆی بە نەژادپەرستی تاوانبار کرد

بەرنی ساندێرس کاندیدێکی دیموکراتەکان لە بەرەی چەپ لە کۆنفراسی ڕێکخراوی یەهودی – ستریت قسەی کرد و داوای کرد ئیسرائیل لەگەڵ فەڵەستین کێشەکەی بە دیالۆگ چارەسەر بکات و ڕایگەیاند، سیاسەتەکانی بنیامین نەتەنیاهۆ سەرۆک وەزیری ئیسرائیل نەژادپەرستیە و یەهۆدیەکان باش لە مەترسی نەژادپەرستی تێدەگەن.

بایدن: چارەسری ڕاست دروستکردنی دوو دەوڵەتە

جۆ بایدن کاندیدی بەهێزی پارتی دیموکرات و ئێلیزابێت وارینیش لە پەیامێکدا ڕایانگەیاند، ئەوان سیاسەتی پێچەوانەی تڕەمپ بەرێوەدەبەن. بایدن لە کۆنفرانسی یەهودی – ستریت لە ڕێگەی ڤیدیۆیەوە پەیامێکی بڵاو کردەوە و وتی، "کێشەکە بە دروستکردنی دوو دەوڵەت بە شێوەیەکی ئاشتی و دیموکراسیانە چارەسەر دەبێت."

ئێلیزابێت وارینیش ڕایگەیاند، کاتێک فەڵەستین بوو بە دەوڵەت، نوێنەرایەتی قودس و ڕۆژهەڵات دەبێتە سەفارەتخانەیەکی گەورەی ئەمریکا لە فەڵەستین.

ف.ق