لە نیجێر لە هێرشێکدا ٨٩ سەرباز کوژران
ڕاگەیانرا لە وڵاتی نیجێر لە هێرشی ڕۆژی پێنجشەمەی ڕابردوودا ٨٩ سەرباز کوژراون.
هێرشی ڕۆژی پێنجشەمە لەدژی کەمپێکی سەربازی چینەگۆدار لە سەر سنوری نیجێر و مالی ئەنجامدرابوو.
باسی ئەوەدەکرێت، لە هێرشەکەدا ٨٩ سەربازی نیجێری کوژراون.
زەکەریا عەبدولڕەحمە وتەبێژی حکومەتی نیجێر ڕایگەیاند، لە ئەنجامی هێرشەکەدا ٨٩ سەربازی ئەوان و ٧٧ چەکداری دوژمن کوژراون.
ڕۆژی پێنجشەمە حکومەت ڕایگەیاندبوو، لە هێرشەکەدا ٢٥ سەرباز و ٦٣ چەکدار کوژراون.
حکومەتی ئەو وڵاتە بە هۆی کوژرانی سەربازەکانی ٧٢ کاتژمێر پرسەی نیشتیمانی راگەیاند.
هێرشی ڕۆژی پێنجشەمە بە یەکێک لە شەڕ و هێرشە سەختەکانی نیجێر دادەنرێت.
ف.ق
