وەزارەتی تەندرووستی لوبنان ڕایگەیاند لە هێرشەکانی ئیسرائیل بۆ سەر باشووری لوبنان لانی کەم ٢٧٠ کەس مردوون و زیاتر لە هەزار کەس برینداربوون.

بەگوێرەی وەزارەتەکە لەنێو کوژراوەکاندا ژن و مناڵ و کارمەندی فریاگوزاری هەن.

ئەم بەیانییە سوپای ئیسرائیل بیقاع و باشووری لوبنانی بە سەختی بۆردوومان کرد.

سوپای ئیسرائیل بانگەوازی لە دانیشتووانی باشووری لوبنان و بیقاع کرد، دووربکەونەوە لە شوێنانەی چەکی حزبوڵای تێدایە. سوپاکە ڕایگەیاند زیاتر لە ٨٠٠ ئامانجی حزبوڵا بۆردوومان کراون.

سەرۆککۆماری ئیسرائیل ئیسحاق هەرزۆگ سەرەڕای بۆردوومانە دژوارەکە ڕایگەیاند "ئیسرائیل شەڕی ناوێت"، وە گوتی: "ئیسرائیل شەڕی ناوێت. بەلام ماف و ئەرکمانە گەلەکەمان بپارێزین".

هەروەها بانگەشەی ئەوەی کرد "هەزاران موشەکی دوور مەودا لە ماڵ و ژووری میوان و ژووری نووستن و چێشتخانەدان و دواتر بەکاریان دەهێنن بۆ کوشتنی گەلەکەمان".